WinterFestта 3 меңнән артык кеше булган

WinterFestта 3 меңнән артык кеше булган

<p> </p> <div class="detail-picture"> <img src="https://kzn.ru/upload/iblock/6c5/6c513daf3423e517cf7dfca21e8a6716.jpg"> <p class="detail-picture__caption"> Фото: Денис Гордийко </p> </div> Шимбә көнне, 27 нче гыйнварда, «Черек күл» паркында WinterFest бөтенроссия кышкы фестивале узды. Казан халкы һәм кунаклары Илья Авербух, Алексей Ягудин, Максим Шабалин һәм башка танылган фигуристлар катнашындагы боз тамашасын карады. <p> </p> <p> Әлеге чарада 3 меңнән артык кеше булган. Бу турыда KZN.RU порталына Казанның парклар һәм скверлар дирекциясендә хәбәр иттеләр. </p> <p> «Чара кунаклары Россиянең танылган фигуристы, Олимпия уеннары призеры, дөнья, Европа һәм Россия чемпионы Илья Авербухтан мастер-класста катнаштылар. Ә фигуралы шуу йолдызлары – Алексей Ягудин, Максим Шабалин, Анастасия Игнатьева һәм башкалар – боз тамашасында катнашты», – дип хәбәр иттеләр ведомствода. </p> <p> Дирекциядә Казан беренче тапкыр шундый дәрәҗәдәге масштаблы боз тамашасын кабул итте дип җиткерделәр. </p>

2024-01-29T10:37:00+0300