Казанның җитди авырулар белән чирләүче балалар өчен мәктәп укучылары 230 мең сумнан артык акча җыйган

Акция сентябрьнең беренче декадасында дәвам итәчәк.

(Казан шәһәре KZN.RU, 4-нче сентябрь). Казан укучылары авыру балаларга ярдәм итү өчен 237971 сум акча җыйганнар. Акча җыю «Балалар – балаларга» хәйрия акциясе кысаларында башкарыла, аңа быел шәһәрнең 16 уку йорты кушылган.

Акциянең асылы шунда ки, мәктәп укучылары 1-нче сентябрьгә чәчәкләр сатып алуга тотыла торган акчаларын, авыру балаларга ярдәм итү өчен тоталар.

Барлык җыелган акчалар да авыру балалар өчен дәвалану туклануы, дарулар, коляскалар һәм башка кирәкле әйберләр сатып алуга тотылачак. «Яшь буын кечкенәдән игелекле эшләр, башкалар турында кайгырту кирәклеге турында белеп тәрбияләнергә тиеш. Без әлеге акциядә Казанның 16-дан артык мәктәбе катнашуына шатбыз. Балаларның изге эш башкаруларын һәм хәйрия чарасында катнашуларын тоюы яхшы», - диде Анжела Вавилова фонды идарәсе рәисе Владимир Вавилов.

Акция Казанда инде икенче ел уздырыла, узган ел Казан укучылары көче белән 165350 сум акча җыелган иде.

Акция сентябрьнең беренче декадасында дәвам итәчәк.

Шулай ук укыгыз

Барлык яңалыклар