Казанда «Безнең хәтернең мәңгелек уты» күргәзмәсендә 200 дән артык экспонат тәкъдим итәчәкләр

Килүчеләр архив документлары, сирәк фотосурәтләр һәм фронтовик язучыларның коллекцияләрен күрәчәк

24 апрельдә Казан Ратушасында «Безнең хәтернең мәңгелек уты» күргәзмәсен ачу тантанасы була. Анда Казанның музей комплексы фондларыннан һәм шәхси коллекцияләрдән 200 дән артык экспонат: картиналар, плакатлар, архив документлары, сирәк фотосурәтләр һәм башка күп кенә нәрсәләр тәкъдим ителәчәк. Күргәзмә Бөек Ватан сугышында Җиңүнең 80 еллыгына багышланган.

Экспозиция Казанның музей комплексы фондларыннан уникаль экспонатларны берләштерә. Килүчеләр республиканың иҗат интеллигенциясенең фашизмга каршы көрәшкә керткән өлеше турында беләчәкләр, шулай ук Бөек Ватан сугышы елларында татарстанлыларның хезмәт батырлыклары турында сөйләүче шәхси коллекцияләрне күрәчәкләр.

Күргәзмәдә 200 дән артык экспонат – картиналар, плакатлар, архив документлары, сирәк фотосурәтләр, хатлар, кулъязмалар, хәрби кирәк-ярак үрнәкләре, формалы кием, китаплар, фронт газеталары тәкъдим ителәчәк. Экспозициядә фронтовик язучылар – С.Хәким, А.Алиш, И.Закиров, Ә.Галиев, Р.Ишморат, Н.Дәүли, Ф.Кәрим, Г.Бакиров, С.Баттал, рәссам Л.Фәттахов коллекцияләре, армия генералы М.Гәрәев һәм совет разведчигы полковник И.Әхмәров, Советлар Союзы Герое Г.Камалиев архивлары бар.

Күргәзмәнең ачылышына керү ирекле, вакыты – 15:00 сәгатьтә.

Шулай ук укыгыз

Барлык яңалыклар