Яңалыклар
09.01.2025, 13:01
Яңа ел каникулларында «Казан» гаилә үзәгенең күзәтү мәйданчыгына 20 меңнән артык кеше килгән
Бүген киңлек киләсе сезонга кадәр эшен туктатачак
Бәйрәм көннәрендә, 31 декабрьдән 8 гыйнварга кадәр, «Казан» гаилә үзәгенең күзәтү мәйданчыгына 20 меңнән артык кеше килгән. Бу сезонда ул 20 марттан ачык иде, ә бүген үз эшен тәмамлады. 2024 ел дәвамында киңлек барлыгы 410 меңнән артык кунак кабул иткән, дип хәбәр иттеләр шәһәрнең парклар һәм скверлар дирекциясендә.
Күзәтү мәйданчыгы казанлыларны инде дүртенче ел рәттән сөендерә. Исегезгә төшерәбез, 2023 елда Яңа ел каникулларында анда 12 меңнән артык кеше, ә узган сезон дәвамында барлыгы 400 меңнән артык кеше булып киткән иде.
Үзәк чыршы янындагы «Казан күчтәнәчләре» Яңа ел ярминкәсе 13 гыйнварга кадәр эшләвен дәвам итәчәк. Эш көннәрендә шәһәрлеләрне 16:00 сәгатьтән 22:00 сәгатькә кадәр, ә ял көннәрендә 10:00 сәгатьтән 22:00 сәгатькә кадәр көтәчәкләр.
Шулай ук укыгыз
-
28.04.2025, 17:54 -
28.04.2025, 16:10 -
28.04.2025, 15:28 -
28.04.2025, 15:14
