2,5 меңнән артык татарстанлы озак вакытлы стаж өчен вакытыннан алда пенсиягә чыгачак

2,5 меңнән артык татарстанлы озак вакытлы стаж өчен вакытыннан алда пенсиягә чыгачак

<p> Ел башыннан Россия Социаль фондының Татарстан буенча бүлеге республикада озак вакытлы иминият стажы булган 2529 кешегә вакытыннан алда пенсия билгеләде. </p> <p> Гомуми билгеләнгән пенсия яшеннән ике елга иртәрәк пенсиягә иминият стажы 37 елдан да ким булмаган хатын-кызлар һәм стажы 42 елдан да ким булмаган ир-атлар чыга ала. Быел мондый хокукка 56 яшькә җиткән хатын-кызлар һәм 61 яшьтән өлкәнрәк ир-атлар ия. </p> <p> Иминият стажы мондый чорларны үз эченә ала: </p> <p> мәҗбүри пенсия иминиятенә иминият кертемнәре түләнгәндә Россиядә эшләү; </p> <p> вакытлыча хезмәткә сәләтсезлек вакытында мәҗбүри социаль иминиятләштерү буенча пособие алу; </p> <p> чакырылыш буенча хәрби хезмәт узу; </p> <p> хәрби хезмәт узу вакытында махсус хәрби операциядә катнашу яисә ирекле формированиедә булу (стажга икеләтә күләмдә кертелә). </p> <p> Шул ук вакытта 1,5 яшькә кадәрге балаларны һәм эшкә сәләтсез гражданнарны карау, эшсезлек буенча пособие алу исәпкә алынмый, дип хәбәр итә РФ Социаль фондының ТР буенча бүлеге матбугат хезмәте. </p> <p>   </p>

2024-09-17T11:03:00+0300