Яңа ел һәм раштуа бәйрәмнәрендә 190 артык өстәмә поезд йөриячәк

Өстәмә поездлар Мәскәүдән һәм Санкт-Петербургтан Казанга планлаштырылган.

Фото: Казан шәһәре KZN.RU

(Казан шәһәре KZN.RU, 9-нчы ноябрь). Яңа ел һәм раштуа каникулларында өстәмә рәвештә 191 ерак арага йөрүче поезд билгеләнәчәк. Алар популяр маршрутлар буенча 25-нче декабрьдән 10-нчы гыйнварга кадәр хәрәкәт итәчәк.

Пассажирларның күпләп китүенең төп даталары 29-нчы һәм 30-нчы декабрьдә булыр дип көтелә, зур агым белән кире кайтулары 8-нче һәм 9-нчы гыйнварга туры киләчәк.

Өстәмә поездлар Мәскәүдән Казанга, Новороссийск, Адлер, Санкт-Петербург, Мурманск, Архангельск, Котлас, Смоленск, Брянск, Старый Оскол, Тамбов, Белгород, Курск, Пенза, Саранск, Чабаксар, Ижевск, Киров, Саратов, Самара, Тольятти, Уфа, Чиләбе, Орск һәм башка шәһәрләргә планлаштырылган.

Төньяк башкаладан өстәмә рейслар Казанга, Мәскәүгә, Анапа, Новороссийск, Мурманск, Архангельск, Ярославль, Воронеж, Курск, Киров, Ижевск, Екатеринбургка барачак.

Кайбер маршрутлар буенча ихтыяҗ арткан очракта поездлар саны арттырылырга яки инде билгеләнгән составларга өстәмә вагоннар тагылырга мөмкин.

Шулай ук Яңа ел һәм раштуа бәйрәмнәре вакытында кышкы ял итү өчен популяр маршрутлар буенча махсус туристик поездлар һәм вагоннарның күчеп утыруларсыз, туры бара торган төркемнәре йөриячәк, мәсәлән, Рускеала, Сортавала, Питкярант, Бөек Устюг, «Роза Хутор» тау курорты һәм башкалар белән арасында.

Поездлар графигы һәм аларның хәрәкәте турында, шулай ук юл бәясе турында тулырак мәгълүматны «РЖД» ААҖ сайтында «Пассажирлар» бүлегендә һәм «РЖД пассажирларга» рәсми мобиль кушымтасы ярдәмендә алырга мөмкин.

Шулай ук укыгыз

Барлык яңалыклар