Узган тәүлектә Казан урамнарыннан 17 мең тоннадан артык кар чыгарылган

Көндез шәһәрне чистартырга 361 юл эшчесе һәм 347 берәмлек махсус техника чыгачак.

Фото: Марат Мугинов

(Казан шәһәре KZN.RU, 30-нчы гыйнвар). Бүген көндез Казанда урамнарны кардан чистартырга 361 юл эшчесе һәм 347 берәмлек махсус техника, шул исәптән 59 катнаш юл машинасы, 65 трактор щеткасы, 108 үзбушаткыч, 60 фронталь төягече, 30 «Барсик» минитөягече һәм башка техника чыгачак.

Карны Авангард, Айдаров, Фатыйх Әмирхан, Батурин, Бауман, Ботаника, Бутлеров, Волков, Гагарин, Газ, Горький, Академик Губкин, Искра, Качалов, Королев, Кремль, Мәрҗани, Петербург, Рощинская, Зәйни Солтан, Сәетгалиев, Техника, Тукай, Центральная, Четаев һәм башка урам участокларыннан чыгару планнаштырылган.

Узган тәүлектә шәһәр урамнарыннан 17 мең тоннадан артык кар чыгарылган, чистартуда 789 берәмлек махсус техника һәм 453 юл эшчесе катнашкан, дип хәбәр иттеләр Казан башкарма комитетының Тышкы төзекләндерү комитетында. Кышкы сезон башыннан шәһәр урамнарыннан 535,4 мең тоннадан артык кар чыгарылган.

Юлларда тәүлек эчендә 446 тонна бозлавыкка каршы материал кулланылган. Сезон башыннан юл хезмәтләре 44,7 мең тоннадан артык бозлавыкка каршы катнашма кулланган.

Шулай ук укыгыз

Барлык яңалыклар