Казан урамнарыннан узган тәүлектә 15,7 мең тоннадан артык кар чыгарылган

Бүген кар чистартырга 374 берәмлек техника һәм 475 юл эшчесе чыкты.

Фото: Денис Гордийко

(Казан шәһәре KZN.RU, 6 нчы февраль). Бүген көндез Казан урамнарын кардан чистартырга 475 юл эшчесе һәм 374 берәмлек махсус техника, шул исәптән 54 катнаш юл машинасы, 80 трактор щеткасы, 118 үзбушаткыч, 57 фронталь төягеч, 35 «Барсик» минитөягече һәм башка техника чыкты.

Кар Әмирхан, Айдаров, Айдинов, Бауман, Бирюзовая, Бертуган Батталовлар, Васильченко, Вахитов, Гладилов, Губкин, Гудованцев, Девятаев, Декабристлар, Дружба, Ершов, Заря, Ильич, Искра, Фатыйх Кәрим, Кирпичников, Космонавтлар, Красиков, Коләхмәтов, Лаврентьев, Мөштәри, Новокремлевская, Павлюхин, Петербург, Пионер, Попов, Порт, Профсоюз, Сәетгалиев, Спартак, Толстой, Химиклар, Клара Цеткин, Чернышевский, Чуйков урамнарыннан, шулай ук Оренбург һәм Себер трактларыннан, Ферма шоссесыннан, Ямашев проспектыннан һәм башка урам участокларыннан чыгарылачак.

Узган тәүлектә урамнардан 15 мең 765 тонна кар чыгарылган, ә кышкы сезон башыннан бирле – 687 мең 703 тонна кар, дип хәбәр иттеләр Казан Башкарма комитетының Тышкы төзекләндерү комитетында. Юлларда тәүлек эчендә 147 тонна реагент һәм 367 тонна ком-тоз катнашмасы кулланылган.

Шулай ук укыгыз

Барлык яңалыклар