Россиянең 100-дән артык спортчысы Казанга фехтование турнирына киләчәк

Көрәшләр 13-нче һәм 14-нче октябрь көннәрендә 10.00 сәгатьтә була.

(Казан шәһәре KZN.RU, 12-нче октябрь). 13-нче һәм 14-нче октябрь көннәрендә Казанның Фехтование буенча республика махсуслаштырылган олимпия резервы балалар-үсмерләр спорт мәктәбе мәйданчыкларында Олимпия чемпионкасы, СССРның атказанган спорт остасы Наилә Гыйләҗева призларына Россиянең иң көчле рапирачыларының XХII традицион бөтенроссия турниры узачак. Ярышлар 1999-2005 елларда туган юниорлар арасында оештырыла.

Ярышларда катнашырга Россиянең 11 шәһәр һәм төбәгеннән 100-дән артык спортчы теләк белдергән. Катнашучылар Мәскәү, Санкт-Петербург, Самара, Курск, Ростов-на-Дону, Башкортстан һәм илнең башка субъектларыннан киләчәк. Татарстан Республикасын ярышларда 26 рапирачы тәкъдим итә, команда составына Россия спорт мастерлары һәм спорт мастерлары кандидатлары кергән.

Көрәшләр 13-нче һәм 14-нче октябрь көннәрендә 10.00 сәгатьтә була, дип хәбәр итә ТР Спорт министрлыгы матбугат хезмәте.

Шулай ук укыгыз

Барлык яңалыклар