Оренбург трактындагы яңа фермер ярминкәсенең ачылышында 1 меңнән артык казанлы булды

Мәйданчык көн саен 8.00 сәгатьтән 22.00 сәгатькә кадәр эшли.

(Казан шәһәре KZN.RU, 3-нче декабрь). Казанда 1-нче декабрьдә «Агрохолл» яңа фермер ярминкәсе ачылды. Бирегә килүчеләр өчен җыр-бию, пироглар дегустациясе, самавырдан чәй әзерләнгән иде. Беренче өч сәгать эчендә ярминкәдә 1000-нән артык кеше булды. Бу көнне һәр сатып алучы көнкүреш техникасы һәм файдалы сувенирлар уйнатуда катнашты.

Фермер ярминкәсендә инде икмәк, яшелчә, җиләк-җимеш, суытылган ит, балык деликатеслары, казылык, фермер сырлары һәм сөт продукциясе булган кибетләр эшли. Зур зоналардан тыш, ярминкәдә җирле җитештерүчеләр өчен бер көнлек сәүдә урыннары да булдырылган, анда җылы шартларда үз продукцияләрен шәхси затлар тәкъдим итә ала.

Исегезгә төшерәбез, «Агрохолл» түбәндәге адрес буенча урнашкан: Оренбург тракты, 22а. Фермер ярминкәсе 1700 кв.м чамасы территориядә урнашкан. Махсус оештырылган ярминкәдә сөт продукциясе, йомырка, ит һәм ит деликатеслары, җиләк-җимеш, яшелчә, бал, май, тәмләткечләр, Көнчыгыш десертлары җитештерүчеләр үз продукцияләрен тәкъдим итү мөмкинлеге алды.

Ярминкә көн саен 8.00 сәгатьтән 22.00 сәгатькә кадәр эшли, дип хәбәр итә оештыручылар. Сатып алучылар өчен уңайлы җир өсте һәм җир асты парковкасы, автомойка җиһазландырылган.

Шулай ук укыгыз

Барлык яңалыклар