«Мин Татарстан» ярминкәсендә үзмәшгульләр 1 млн сумнан артык акча эшләде

Үз куллары белән ясалган продукцияне Бауман урамы буенча 40 сәүдә урынында тәкъдим иттеләр

«Мин Татарстан» ярминкәсендә 30-31 августта үзмәшгульләр 1,1 млн сум акча эшләделәр. 40 сәүдә урынында бизәнү әйберләре, картиналар, йорт текстиль, кондитер эшләнмәләре, косметика, йорт өчен декор һәм башка кулдан ясалган товарлар урнаштырганнар иде.

Ярминкә Шәһәр һәм республика көнен бәйрәм итүнең бер өлеше булды. Бушлай бирелгән сәүдә урыннарын ТР Фәннәр академиясе мәйданында Бауман урамында урнаштырдылар.

Ел саен үткәрелә торган ярминкәләр үз эше турында сөйләргә, яңа клиентлар һәм фикердәшләр табарга ярдәм итә. ТР Икътисад министрлыгы матбугат хезмәтендә хәбәр итүләренчә, агымдагы елның 8 аенда һөнәри керемгә салым кулланучы гражданнар саны 15 процентка арткан һәм 411 мең кешедән арткан.

Татарстан Республикасы Икътисад министрлыгы идарәгә буйсынучы үсеш институтлары белән берлектә дәүләт гарантияләрен дә кертеп, төрле дәүләт ярдәме чаралары күрсәтә, ярминкәләрдә катнашу һәм продукцияне маркетплейсында чыгаруда ярдәм итә.

Бизнеска ярдәм итү чаралары турында бердәм контакт-үзәк аша түбәндәге телефон буенча белергә була: +7(843)524-90-90. «Нәтиҗәле һәм конкурентлы икътисад» милли проектын гамәлгә ашыру кысаларында ярдәм күрсәтелә.

Шулай ук укыгыз

Барлык яңалыклар