Май бәйрәмнәре чорында 1,5 меңнән артык казанлы мобиль пунктларда сәламәтлекләрен тикшерделәр

Күчмә тикшерүләр шәһәрнең берьюлы берничә ноктасында – ишегалларында, җәмәгать киңлекләрендә узды

Казанда 1 майдан 11 майга кадәр түләүсез күчмә диспансеризация узды. Мобиль пунктларда 1657 кеше тикшеренү узган.

Өлкән яшьтәге кешеләрнең билгеле бер төркемнәреннән 1260 кеше диспансеризация, тагын 238 кеше профилактик тикшерү узды. Күчмә тикшеренүләр кысаларында шулай ук инструменталь тикшеренүләр үткәрелгән: 1301 кеше флюорография, 568 хатын-кыз маммография узган.

Күчмә тикшерүләр шәһәрнең берьюлы берничә ноктасында – торак йортлар ишегалларында һәм җәмәгать киңлекләрендә узды, дип хәбәр иттеләр Казан буенча сәламәтлек саклау идарәсендә.

Исегезгә төшерәбез, казанлыларны бушлай диспансерлаштыру «Озын һәм актив тормыш» милли проекты кысаларында үткәрелде. Мобиль пунктларда казанлылар канның гомуми анализын тапшыра, глюкоза, холестерин һәм простатспецифик антиген дәрәҗәсен (яман шеш һәм башка патологияләрне беренчел диагностикалау өчен) һәм башкаларны тикшерә алдылар.

Шулай ук укыгыз

Барлык яңалыклар