Казанда «Игелекле китапханә» хәйрия проекты старт ала

Атна дәвамында теләгән һәркем шәһәрнең балалар хастаханәләренә китаплар тапшыра алачак.

(Казан шәһәре KZN.RU, 10-нчы сентябрь). 14-нче сентябрьдә Казанда «Игелекле китапханә» хәйрия проекты старт ала. Атна дәвамында теләгән һәркем шәһәрнең балалар хастаханәләренә китаплар тапшыра алачак.

Китаплар җыю Заманча сәнгать галереясында, «Сәйдәш» мәдәни үзәгендә, «Мәскәү» мәдәни үзәгендә, 26-нчы номерлы китапханәдә яки «Дом» экоүзәгендә оештырылачак.

Китапларны аерып, махсус стеллажлар урнаштырылачак Казанның балалар хастаханәләренә таратачаклар. Сайлап алу аша узмаган китаплар авыл китапханәләренә, яшүсмерләр клубларына, ветераннар йортларына һәм үз китапханә фондын тулыландырырга әзер булган башка учреждениеләргә җибәреләчәк, дип хәбәр иттеләр «Игелекле Казан» коммерциягә нигезләнмәгән автоном оешмасында.

«Игелекле китапханә» проекты 2017 елдан гамәлгә ашырыла. Бу вакыт эчендә ике меңнән артык китап җыелган, шуларның 650-се Республика балалар клиник хастаханәсе бүлекләрендәге китап киштәләрен тулыландырган. 2020 елда «Игелекле китапханә» проекты физик затлар өчен балалар һәм яшьләр өчен социаль әһәмиятле проектларны гамәлгә ашыруга республика грантлар конкурсы кысаларында Татарстан Республикасы Яшьләр эшләре буенча министрлыгы ярдәмен алды. Проект «Синең файдага» хәйрия фонды һәм «Игелекле Казан» коммерциягә нигезләнмәгән автоном оешмасы белән берлектә тормышка ашырыла.

Исегезгә төшерәбез, бу көннәрдә Казанда көзге Изгелек атнасы уза. Шәһәрдә «Игелекле Казан» проекты эгидасы астында күп кенә социаль һәм хәйрия чаралары оештырылган.

Шулай ук укыгыз

Барлык яңалыклар