«Зәкят» хәйрия фонды 3,8 мең мохтаҗ өчен ифтар-мәҗлесләр үткәргән

Рамазан ае башыннан 20 авыру баланы дәвалау өчен акча җыелган.

Фото: ТР мөселманнары Диния нәзарәте

(Казан шәһәре KZN.RU, 19 нчы апрель). Изге Рамазан ае башыннан «Зәкят» хәйрия фонды Татарстанның 3840 мохтаҗ кешесе өчен 34 мәчеттә һәм мәдрәсәдә ифтар мәҗлесләре үткәргән.

Республиканың битараф булмаган кешеләре ярдәмендә шулай ук 20 катлаулы авыру баланы дәвалау өчен акча җыелган һәм аз керемле гаиләләр өчен 450 азык-төлек җыелмасы тапшырылган. «Ханума» кафесыннан мохтаҗларга тагын 120 ифтар җыелмасы таратылды, дип хәбәр итә Татарстан мөселманнары Диния нәзарәте матбугат хезмәте.

Быел ТР мөселманнары Диния нәзарәтенең «Зәкят» хәйрия фонды янә авыру балаларга ярдәм итәчәк, аз керемле гаиләләрне азык-төлек белән тәэмин итәчәк, ифтарлар үткәрәчәк һәм фитр-сәдака, фидия һәм зәкятне мохтаҗлар файдасына үзәкләштерелгән җыю һәм бүлүне оештырачак. ТР мөселманнары Диния нәзарәте сайтында авыру балаларга, аз керемле гаиләләргә ничек ярдәм итәргә, үз исемеңнән ифтарлар оештырырга һәм хәйрия эшләрендә катнашырга мөмкин булуы турында тулырак мәгълүматны табып була.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар