Казанда керамика эшләнмәләренең хәйрия күргәзмә-ярминкәсе узачак

Казанда керамика эшләнмәләренең хәйрия күргәзмә-ярминкәсе узачак

<p> <img width="870" src="https://www.kzn.ru/upload/iblock/eac/MMB_1563.jpg" height="653"><br> </p> <p> (Казан шәһәре KZN.RU, 27-нче февраль). 1-нче мартта «Мәскәү» мәдәни үзәгендә керамика эшләнмәләреннән торган «Дүрт стихия» хәйрия күргәзмә-ярминкәсе узачак. Күргәзмәдә «Глазурь» инклюзив иҗат остаханәсендә тәрбияләнүчеләрнең эшләре тәкъдим ителәчәк. </p> <p> Бу остаханәдә сәламәтлек мөмкинлекләре чикләнгән балалар савыт-саба, уенчыклар, сувенирлар һәм башка эшләнмәләр ясыйлар, аларны көндәлек тормышта кулланып да, якын кешеләргә бүләк итеп тә була. </p> <p> Моннан тыш, күргәзмә кунакларын иҗат коллективлары катнашында концерт программасы, фокуслар, сабын куыклары тамашасы, балчыктан кул белән әвәләп ясау, чүлмәк боҗрасында эшләү, рәсем сәнгате һәм хастаханә клоунадасы буенча мастер-класслар көтә. </p> <p> Күргәзмә-ярминкә 1-нче мартта 12.00 сәгатьтән 16.00 сәгатькә кадәр эшләячәк. Керү ирекле, дип хәбәр итә Киров һәм Мәскәү районнары администрациясе матбугат хезмәте. </p>

2020-02-27T16:41:27+0300