Видеокүзәтү камералары ярдәмендә 2017 елда Казанда 335 җинаять ачылды

Барлыгы шәһәрнең төрле объектларында 8 меңнән артык видеокүзәтү камерасы урнаштырылган.

(Казан шәһәре KZN.RU, 17-нче апрель, Ксения Швецова). Былтыр Казанда видеокүзәтү системалары белән 2 меңнән артык күпфатирлы йорт җиһазландырылды, биредә якынча 7 мең камера урнаштырыды. Барлыгы шәһәрнең төрле объектларында 8 меңнән артык видеокүзәтү камерасы урнаштырылган. Бу шәһәрдә җинаятьләр дәрәҗәсен шактый киметергә һәм шәһәр халкының иминлек дәрәҗәсен үстерергә мөмкинлек бирде. Моның турында бүген Казан шәһәре Думасының XXV сессиясе утырышында Башкарма комитет җитәкчесе урынбасары Илдар Шакиров хәбәр итте.

И.Шакиров сүзе буенча, шәһәрдә иминлек – халыкның тормыш дәрәҗәсен билгели торган төп фактор. “Күпфатирлы йортларны, паркларны, скверларны һәм башка шәһәр объектларын камералар белән җиһазландыру җинаятьчелек дәрәҗәсен киметергә мөмкинлек бирде, бары тик 2017 ел эчендә видеокүзәтү ярдәмендә 335 җинаять һәм 358 административ хокук бозу очраклары ачылды”, - диде И.Шакиров.

Фоторепортаж

Шулай ук укыгыз

Барлык яңалыклар