Яңалыклар
14.03.2018, 13:17
Казан эшмәкәрләрен “Бизнес класс” түләүсез белем бирү проектында катнашырга чакыралар
2017 ел эчендә генә проектта 1,5 мең казанлы катнашты.
(Казан шәһәре KZN.RU, 14-нче март). Әле генә һөнәри юлларын башлаган һәм инде тәҗрибәләре булган Казан эшмәкәрләрен “Бизнес класс” түләүсез белем бирү проектында катнашырга чакыралар.
“Бизнес класс” – белем бирү программасы, ул үзләренең керемнәрен арттыру максатында яңа стратегияләрне кулланырга әзер булган, шулай ук бизнес алып баруда кеше тәҗрибәсен өйрәнергә теләгән кешеләр өчен эшләнгән.
Курс программасы 8 модульдән тора. Аларны узып сәүдә итү, маркетинг, базарны өйрәнү, бизнес-модельләштерү, финанс грамоталылыгы нигезләренә һ.б. төшенеп булачак.
Әлеге проект Татарстан территориясендә берничә ел гамәлгә ашырыла. “Бизнес класс” барлык теләүчеләргә эшмәкәрлек эшчәнлеген башларга, ә гамәлдәге эшмәкәрләргә бизнесларын үстерергә ярдәм итәчәк. 2017 елда гына проектта 1,5 мең казанлы катнашты. Катнашучылар саны арта бара.
Курсны үтәр өчен проект сайтында теркәлергә кирәк.
Шулай ук укыгыз
-
05.05.2025, 20:05 -
05.05.2025, 17:13 -
05.05.2025, 16:54 -
05.05.2025, 15:23
