Казанда икенчел чималны контактсыз җыю узачак

Акциядә катнашучыларның барысы да теркәлү узарга һәм мобиль пункт эшенең яңа кагыйдәләре белән танышырга тиеш.

Фото: vk.com/ecologickzn

(Казан шәһәре KZN.RU, 6-нчы октябрь). 11-нче октябрьдә Казанда икенче чималны эшкәртүгә контактсыз җыю үткәрәчәкләр. Мобиль пункт шәһәрнең сәүдә үзәкләренең берсендә эшләячәк, экология акциясендә катнашу өчен онлайн-теркәлү узарга кирәк булачак.

Акциядә катнашучылар саны катгый рәвештә Кулланучылар хокукларын яклау һәм кеше иминлеге өлкәсендә күзәтчелек федераль хезмәте таләпләре буенча чикләнгән - пункт ярты сәгать эшләү вакытнда 50-гә кадәр кешене генә кабул итәргә тиеш.

Эшкәртүгә, гади мобиль пунктлардагы кебек, 6 PS каты пластик (полистирол) һәм эшкәртелгән полистирол пластигыннан тыш, фракцияләрнең барлык төрләрен тапшырырга мөмкин булачак. Барлык фракцияләр аерым пакетларга җыелган булырга тиеш, һәр пакетны маркер белән язып билгеләргә кирәк була. Активистлар фракцияләрнең яңа төрләрен кабул итәчәкләр.

Катнашучыларга битлекләрдән һәм перчаткалардан килү зарур һәм чарага теркәлүләре расланган булырга тиеш - бу керү вакытында администратор тарафыннан контрольдә тотылачак. Икенчел чималны тапшыру мәйданчыгына бер теркәлү буенча бер генә кеше эләгә ала, кешеләр саны санитар-эпидемиологик таләпләр белән чикләнгән. Шулай ук катнашучыларга дистанцияне үтәргә кирәк булачак, акция башланыр алдыннан аларга тән температурасын үлчәргә киңәш ителә.

Катнашуга сылтама буенча теркәлергә мөмкин. Акция 9.00-дән 13.00-гә кадәр Җиңү проспекты, 141 адресы буенча узачак, дип хәбәр итә оештыручылар.

Шулай ук укыгыз

Барлык яңалыклар