Батыр, Зилант яки Тулпар - казанлылар аэропорт һәм шәһәр арасында хәрәкәт итә торган поездга исем сайлый ала

Батыр, Зилант яки Тулпар - казанлылар аэропорт һәм шәһәр арасында хәрәкәт итә торган поездга исем сайлый ала

<p> <img src="https://www.kzn.ru/upload/iblock/2a3/DSC_1352.jpg"><br> </p> <p> (Казан шәһәре KZN.RU, 11-нче октябрь). Татарстан башкаласында яшәүчеләр Казан – Аэропорт – Казан маршруты буенча хәрәкәт итә торган поездларга исем сайлый алачаклар. Киләчәктә сайлап алынган исемне логотип рәвешендәге күчмә составка беркетү планлаштырыла. </p> <p> Казанлыларга сайлау өчен өч исем тәкъдим ителде: Батыр, Зилант һәм Тулпар. Шәһәр халкы ошаган вариант өчен <a href="https://vk.com/sodrppk?w=wall-112509955_1673%2Fall" target="_blank">социаль челтәрләрдә</a> тавыш бирә ала. </p> <p> Шәһәр яны поездлары «Казан-1» һәм «Аэропорт» станцияләре арасында инде 4 ел йөри, дип хәбәр итә «Содружество» шәһәр яны пассажир компаниясе акционерлык җәмгыяте матбугат хезмәте. Бу вакыт аралыгында маршрут буенча меңләгән пассажир узган. 2018 елда шәһәр яны пассажир компаниясе Футбол буенча дөнья чемпионатының, ә быел WorldSkills эшче һөнәрләре халыкара чемпионатының рәсми ташучысы булды. </p> <p> «Содружество» акционерлык җәмгыяте матбугат хезмәтендә хәбәр итүләренчә, тавыш бирү октябрь ахырына кадәр дәвам итәчәк. Шуннан соң сайланган исем урнаштырылган логотипны эшләү һәм аны хәрәкәт составына беркетү планлаштырыла. </p>

2019-10-11T10:59:05+0300