«Барановлар ситсасы – безнең Россия триумфы»: шәһәр халкы вернисажга килә ала

Казанлылар борынгы тукымаларның уникаль коллекциясен күрәчәк

28 мартта Казанда яшәүчеләрне ТР Милли музеена «Барановлар ситсасы – безнең Россия триумфы» күргәзмәсен ачуга чакыралар. Шәһәр халкы Владимир губернасының Александровский өязендә җитештерелгән тукымаларга соклана алачак.

Килүчеләргә француз һәм рус осталары эскизлары, тукыма үрнәкләре, Россиянең төрле төбәкләренең халык костюмнары тәкъдим ителәчәк. Экспозициянең бер өлеше заманча рәссамнар һәм дизайнерлар Мария Подкапаева һәм Антон Сташкевич иҗатына багышланачак, алар яңа эстетик күренештә барановлар ситсаларына «икенче тормыш» бирә.

Исегезгә төшерәбез, танылган ситсалар үз исемен Троицк-Александров мануфактурасына нигез салучылар һәм аның хуҗалары, Барановлар сәүдәгәрләре фамилиясе буенча алган. XIX гасырның икенче яртысында аларның тукымаларын шәһәрдә дә, авылларда да, ярминкәләрдә дә, көнчыгыш базарда да, рус павильоннарында да, бөтендөнья күргәзмәләрендә очратырга мөмкин булган.

Күргәзмәне ачуга керү ирекле, дип хәбәр иттеләр ТР Милли музеенда. Теләге булганнарны 14:00 сәгатьтә Кремль урамы, 2 адресы буенча көтәчәкләр.

Шулай ук укыгыз

Барлык яңалыклар