Россия Банкы Федор Шаляпин портреты белән тәңкә чыгара

Ике сумлык тәңкәнең тиражы 3 мең данә тәшкил итәчәк.

Фото: Россия Банкы

(Казан шәһәре KZN.RU, 30 нчы гыйнвар). 31 нче гыйнварда Россия Банкы җырчы Федор Шаляпинның тууына 150 ел тулуга багышланган «Россиянең күренекле шәхесләре» сериясенең истәлекле көмеш тәңкәләрен әйләнешкә чыгара.

Тәңкәнең алгы ягында – Россия гербы, икенче якта сәхнә образлары һәм ноталы стан фрагменты фонында Федор Шаляпин портреты булачак. Аста уң якта җырчы имзасының факсимилесы урнашкан, сулда, ике юлда, аның яшәгән еллары күрсәтелгән.

33 мм диаметрлы яңа тәңкә 925 нче пробалы көмеш эретмәсеннән ясалган (чиста кыйммәтле металл массасы 15,55 грамм).

2 сумлык тәңкә 3 мең данә тираж белән ясалган. Ул Россия территориясендә акчалата түләүнең законлы чарасы булып тора һәм барлык төр түләүләр номиналы буенча чикләүләрсез кабул ителә, дип хәбәр итә Россия банкының матбугат хезмәте.

Федор Шаляпин Казанда туып-үскән, биредә ул беренче тапкыр театр сәхнәсендә чыгыш ясаган. Рус опера һәм камера җырчысы уникаль баска ия була. Төрле вакытта ул Зур һәм Мариин театрлары, Метрополитен-опера солисты була. Аның репертуарында 400 гә якын әсәр бар: арияләр, җырлар һәм романслар. 1918 елда Шаляпин Совет Россиясе сәнгать эшлеклеләреннән беренче булып республиканың халык артисты исемен ала.

Шулай ук укыгыз

Барлык яңалыклар