Яңалыклар
20.02.2019, 15:45
Азат Нигъмәтҗанов - алданган өлешчеләргә: «Без барысын да нормалар буенча эшләячәкбез»
Ике проблемалы йортта эшләр барышы хакында күчмә киңәшмәдә фикер алыштылар.
(Казан шәһәре KZN.RU, 20-нче февраль, Алсу Сафина). Казанда Четаев ур.буенча проблемалы дүртенче йортта төзелеш һәм бизәү эшләре тәмамланып килә, якын арада подрядчы дәүләт экспертизасы узу өчен кирәкле бөтен документларны әзерли. Параллель рәвештә Чистай урамында алданган өлешчеләрнең башка объектында эшләр дәвам итә. Эшләр барышы турында бүген Башкарма комитет җитәкчесенең беренче урынбасары Азат Нигъмәтҗанов үткәргән атналык күчмә киңәшмәдә фикер алыштылар.
"Куелган бер кирпеч, аның куелачагы булуы турында әйткән ун сүздән дә кыйммәтрәк»
Четаев урамындагы дүртенче йортта төзелеш һәм бизәү эшләре ахырына якынлаша. Исегезгә төшерәбез, «Свей «фирмасы» ҖЧҖнең 130 фатирга исәпләнгән проблемалы объектын «Бриз»ҖЧҖ төзеп бетерә.
Биредә штукатурка, идәннәрне бәйләү, электрика монтажлау тулысынча башкарылган (хәзер җибәрү-көйләү эшләре бара), атна ахырына объектта маляр эшләре төгәлләнәчәк. 28-нче февральгә лифтларны монтажлау тәмамлана, ә мартның беренче көннәрендә техник регламентта лифтларның туры килүе турында декларация тапшырылачак. Моннан тыш, 1-нче мартка фасад эшләре тәмамланачак, дип хәбәр итте подрядчы оешма директоры Андрей Беляков. Җылылыкка килгәндә, ул бөтен йорт буенча, офис бүлмәләрен дә кертеп, эшләтеп җибәрелгән.
Башкарма комитет җитәкчесенең беренче урынбасары Азат Нигъмәтҗанов билгеләп үткәнчә, алда торган эшләр графигы киеренке – кыска вакыт эчендә бөтен кирәкле документларны әзерләргә кирәк булачак, шуннан соң объектка ТР Дәүләт төзелешен күзәтү инспекциясе белгечләрен дәүләт экспертизасы өчен чакырачаклар.
"Башкарылган эшләр үзегез дә күрәсез – Куелган бер кирпеч, аның куелачагы булуы турында әйткән ун сүздән дә кыйммәтрәк. Март аенда, төзелешнең актив өлеше тәмамлангач, сез объектта була аласыз, - дип аңлатты "Свея" өлешчеләренә А. Нигъмәтҗанов. - Без хәзер физик яктан башкарылган эшләрне документлар белән рәсмиләштерәбез, якын арада без барлык эксплуатацияләүче оешмалардан актлар алырга һәм эшләрне тәмамлау турында Дәүләт төзелеш күзәтчелегенә гариза тапшырырга тиеш. Шуннан соң белгечләр килә – гадәттә торак йортны төрле юнәлешләр буенча 8 инспектор кабул итә. Кисәтүләр булса, алар эшләнәчәк».
Киләсе этап-аңа экспертиза узган объектның һәм техник регламентларга туры килүе турында бәяләмә алу. Өлеш кертеп фатир алучылар шулай ук йортны тапшырганнан соң кем идарә итәчәк дигән сорау белән кызыксынды. "Әлегә торак йортларны эксплуатацияләүдә тәҗрибәсе булган идарәче оешмалар белән килештек – "ГХМ", "Симфония", "Молодежный" торак комплексларында. Алга таба үзегез хәл итерсез",-дип җавап бирде өлешче Фәридә Абдулҗанованың соравына Башкарма комитет җитәкчесенең беренче урынбасары.
Чистай урамындагы 68-нче кварталда йортның беренче блогында электр, җылыту һәм су үткәрү эшләре 98% тәмамланган.
Киңәшмә Чистай урамындагы 68-нче кварталда торак йортның төзелеш мәйданында дәвам итте, анда төзүче "Маг-Строй" ҖЧҖ иде. Беренче блокта электр, җылыту һәм су үткәрү эшләре 98% ка тәмамланган-җибәрү эшләре һәм яктырткычларны өлешчә алыштыру калган. Биредә тулысынча штукатурка һәм идәннәрне тарттырдылар, шулай ук тәрәзәләрне ремонтладылар. «Беренче блокта фасад якынча 15% алмаштырылган, тагын 30-35% ы әлеге вакытта эшләнә - искесен демонтажлау һәм яңа вентфасад урнаштыру эшләре бара», - дип хәбәр итте "Бриз" компаниясе директоры Андрей Беляков, әлеге объектны төзеп ул бетерүче .
Лифтларга килгәндә, төзелеп бетмәгән барлык җиһазлар кайтарылган, хәзер эшләтеп җибәрү эшләре бара. Сүз уңаеннан, икенче блокта лифтларга комплект детальләр март башында киләчәк. "Вентиляция системасы 80% эшләнгән", - дип билгеләде подрядчы.
Икенче блокта да эшләр дәвам итә – штукатурка һәм идәннәрне бәйләү 70% үтәлгән, электромонтаж - 80%. Эшчеләр фасад эшләренә ике атнадан керешәчәкләр.
«Бриз» директоры шулай ук билгеләп үткәнчә, тәрәзә конструкцияләре 75-80% алыштырылган, соңгы катлар калган. Тәрәзәләр алыштырылырга тиеш, тиешле нормаларга туры килми, дип өстәде ул. Моннан тыш, вентиляция системасы буенча 50%, җылыту һәм су белән тәэмин итү буенча 90% эшләр башкарылган.
Түбәдәге эшләргә беренче һәм икенче блокта да җылытканнан соң керешергә планлаштырыла. А. Беляков түбәдән су үтмәвенә, әмма аны тулысынча тикшереп булмый, игътибар итте Яңгыр канализациясе турындагы сорауга "Бриз" директоры аңа ревизия үткәрелүен хәбәр итте. Март аенда тышкы суүткәргеч салуга керешү планлаштырыла.
Аерым тема – йорт территориясендә балалар мәйданчыгын төзекләндерү. Бу мәсьәлә гади генә түгел икән. "Мәйданчык хәзерге вакытта булган территория кысаларында булачак. Хәзер архитектура һәм шәһәр төзелеше идарәсенә җибәреләчәк балалар мәйданчыгы проектын эшләргә кирәк, - дип аңлатты өлешче Диана Бушенева Башкарма комитет җитәкчесенең беренче урынбасары. - Нормаларга туры килмәсә, хәл итәчәкбез. Әйтик, Достоевский урамында "Свей" төзегән проблемалы йортта балалар мәйданчыгы өчен урын юк. Проектлаучы аны гаражлар түбәсендә урнаштырырга тәкъдим итте. Халык башта көлде, ә хәзер безгә бу мәсьәләдә ярдәм итә, чөнки анда башка юл юк – барысы да төзелеп беткән!" Безнең позиция шундый – без барысын да нормалар буенча эшләячәкбез һәм халыкның алга таба проблемалары булмасын өчен дәүләт экспертизасы уздырачакбыз", - дип өстәде ул.
Гомумән алганда, эшләрнең барышын бәяләп, Азат Нигъмәтҗанов билгеләп үтте: «Процесс бара. Шул ук рухта дәвам итәрбез дип өметләнәбез».
Эшлекле киңәшмәдә шулай ук Капиталь төзелеш һәм реконструкция идарәсе башлыгы Марат Сәмигулин, өлешләп түләүчеләргә ярдәм фонды башкарма директоры Иван Новиков, торак сәясәте идарәсе башлыгы урынбасары Айрат Әхмәтханов, шулай ук челтәр оешмалары һәм шәһәр хезмәтләре вәкилләре катнашты.
Фоторепортаж
Четаев һәм Чистай урамнарындагы проблемалы йортларының өлешчеләре белән очрашу, 20.02.2019
Шулай ук укыгыз
-
30.04.2025, 15:45 -
30.04.2025, 14:03 -
30.04.2025, 09:14 -
29.04.2025, 17:56
