Яңалыклар
03.12.2021, 11:51
28а, 43, 54 номерлы автобуслар яңадан «Четаев» тукталышы аша узачак
Хәрәкәтнең элеккеге схемасы авария участогында эшләр тәмамланганнан соң торгызылачак.
Фото: Марат Мугинов
(Казан шәһәре KZN.RU, 3-нче декабрь). Казанда 28а, 43-нче, 54-нче номерлы автобуслар яңадан «Четаев» тукталышы аша узачак, ул элегрәк Чистай урамындагы 60-нчы йорт янындагы юлның җимерелүе аркасында маршруттан чыгарылган иде.
Хәзер 28а, 43-нче, 54-нче номерлы автобусларның хәрәкәт схемасыннан бары тик өч тукталыш кына төшеп калды: «Алексей Козин», «Сибгат Хәким», «Чистай».
«Водоканал» муниципаль унитар предприятиесе белгечләре җимерелгән участокта төзекләндерү эшләре алып бара. Җәмәгать транспорты хәрәкәтенең элеккеге схемасы аларны тәмамлаганнан соң торгызылачак, дип хәбәр итә Казанның транспорт буенча комитеты.
Шулай ук укыгыз
-
28.04.2025, 17:54 -
28.04.2025, 16:10 -
28.04.2025, 15:28 -
28.04.2025, 15:14
