Андрей Макаревич һәм Даниил Спиваковский Казанда пианист Евгений Борецның юбилей кичәсендә чыгыш ясаячак

Концерт 15-нче августта «Кремльдә Ольга Скепнер катнашында JAZZ» фестивале кысаларында узачак.

(Казан шәһәре KZN.RU, 13-нче август). 15-нче августта Казан Кремленең Пушечный ишегалдында джаз пианисты Евгений Борецның «5:0» юбилей концерты узачак. Кичәдә музыкантның дуслары – театр һәм кино артистлары Андрей Макаревич, Даниил Спиваковский, Константин Гевондян, Полина Касьянова, Леван Ломидзе, Сергей Манукян, Тимур Некрасов, Ольга Скепнер, Давид Ткебучава, Сергей Хутас чыгыш ясаячак. Концерт «Кремльдә Ольга Скепнер катнашында JAZZ» XIII Халыкара импровизацион музыка фестивале кысаларында узачак.

Евгений Борецның башкару манерасын башкалардан традицион джаз, Cool jazz, World Music, фортепиано классик мәктәбе элементларының органик комплексы аерып тора. Евгений Борец - А.С. Пушкин исемендәге Мәскәү драма театрының «Бешеные деньги», «Саранча» театр куелышларында, «Дети Ванюхина», «Точка» фильмнарында, «Апостол» сериалында һәм башкаларда музыка авторы.

Концерт 19.30 сәгатьтә башлана, дип хәбәр итә фестивальнең матбугат хезмәте.

Шулай ук укыгыз

Барлык яңалыклар