Казанда китап презентациясендә Алла Крутая: «Мин шәһәрдә булган һәр секундтан ләззәтләнәм»

Телевидение алып баручысы халыкка бөтен дөньядан кулинария рецептларын һәм күренекле кешеләр белән очрашулар турындагы истәлекләрне җыйган әсәр турында сөйләде

Бүген Казан Ратушасында телевидение алып баручысы һәм танылган композитор Игорь Крутойның сеңлесе Алла Крутая үзенең «Письма издалека» дигән яңа китабын тәкъдим итте. Автор үз эшендә бөтен дөнья кухняларының иң яхшы рецептларын һәм кызыклы кешеләр белән очрашулардан шәхси истәлекләрен җыйган. Китап эпистоляр жанрда язылган: «үткәннән киләчәккә» хатларын Алла Крутая яраткан оныгы Машага юллаган.

Чара алдыннан язучы журналистларга ни өчен Казанны китапны тәкъдир итү өчен шәһәр итеп сайлавы турында һәм иҗади планнары турында сөйләде.

Алла Крутая сүзләренчә, аны Казан белән күп нәрсә бәйли, Мәскәүдән соң аның Казанны китапны тәкъдир итү урыны буларак икенче шәһәр итеп сайлавы очраклы түгел.

«Мин сезнең шәһәрегезне бик яратам. Ул гүзәл, ә халык бик кунакчыл. Мәхәббәт һәм игътибарга лаек булдым, башка шәһәрдә презентация мондый уңышлы булыр дип көтмәгән идем. Һәм мин, әлбәттә, Казанга бик рәхмәтле, монда булуның һәр секунды белән ләззәтләнәм», — дип уртаклашты Алла Крутая.

Аның тәкъдим ителә торган китабының нигезендә якыннарга һәм дусларга мәхәббәт, тәмле ризык һәм ерак илләр, хыяллар һәм өметләр турында хатлар ята. Автор озак вакыт дәвамында кәгазьдә тормыш мизгелләрен теркәгән, алар башта алай ук мөһим түгел кебек тоелган, әмма вакыт узу белән аеруча кыйммәтлегә әйләнгән. «Чөнки бу мизгелләр — үзе бөтен тормыш», – дип саный Алла Крутая.

«Письма издалека» китабын булдыру идеясе пандемия вакытында туган. Алла Крутая өйдә пешерергә ярата, ә кулинария иҗатының рецептларын социаль челтәрләрдә урнаштыра. Рецептлар блогерга үз ресторанын ачарга киңәш иткән язылучылар арасында тиз популярлык казандылар. Әмма телевидение алып баручысы китап язган. Тышлык өчен рәсемне автор үзе ясаган.

Очрашуда ул үзенең икенче эшен – «Полет длиною в жизнь» автобиографик җыентыгын тәкъдим итте. 2022 елда басылган китап авторның Нью-Йорктан Юрмалага «Новая волна» фестиваленә сәфәреннән алган тәэсирләренә нигезләнгән. Анда Алла Крутая аның тормышын үзгәрткән гадәти булмаган кешеләр белән очрашулары һәм дуслыгы турында сөйли.

Язучы хәзер өченче китап өстендә эшләве турында сөйләде. Аны Алла Крутая роман жанрында язарга ниятли, хәзерге вакытта алты бүлеге әзер инде. Әсәр 50 яшь алдыннан хатын-кыз тарихын тасвирлаячак. «Бу хатын-кыз өчен бик куркыныч яшь, чөнки бу мизгелдә тормыш тәмамланган кебек тоела, бүтән беркайчан да күбәләкләр күңелдә очмаячак, ә кояш мондый якты булмаячак төсле. Бу алай түгел, һәр яшькә ниндидер кызыклы нәрсә хас», — дип билгеләде автор.

Очрашуда Алла Крутая үзенең иҗат юлы турында сөйләде, кунакларның сорауларына җавап бирде һәм җанатарларга нөсхәләргә кул куйды. Шулай ук чара вакытында халыкка тәкъдим ителгән әсәрләрдән өзекләр укыла торган видеоязмалар да кертелде.

Кунаклар алдында Дмитрий Железнов капелласы, Татарстан Республикасының атказанган артисты Марина Семенова һәм Игорь Крутой академиясе укучылары чыгыш ясады.

Фоторепортаж

Алла Крутая Ратушада «Письма издалека» китабын тәкъдим итте

Шулай ук укыгыз

Барлык яңалыклар