Алинә Заһитова Казанда Яшьләр көнендә чыгыш ясаячак

Алинә Заһитова Казанда Яшьләр көнендә чыгыш ясаячак

<p> Ялгыз шууда Олимпия чемпионы, Россия һәм Европа чемпионы Алинә Заһитова Казанда Яшьләр көнендә чыгыш ясаячак, ул 29 июньдә «УРАМ» экстрим-паркы мәйданчыгында булачак. </p> <p> Чарада спортчы кыз чемпион характерын ничек тәрбияләү һәм спортта карьера төзү турында сөйләячәк, шулай ук уңыш тарихы белән уртаклашачак һәм киңәшләр бирәчәк. </p> <p> Фигуристка шәһәрлеләр белән «Карьера белән бергә» чатырында очрашачак. Лекция 17:00 сәгатьтә башлана. Алдан <a href="https://znanierussia.ru/events/den-molodezhi-2024-g-kazan-98773">теркәлү буенча</a> теләгән һәркем килә ала. </p> <p> Исегезгә төшерәбез, бәйрәмнең төп темасы Россиядә Гаилә елы булачак. 10:00 нан фестивальдә сигез тематик мәйданчык эшләячәк, ә кич 22:00 дә бәйрәм концерты белән тәмамланачак. Чаралар турында тулырак мәгълүматны <a target="_blank" href="https://kzn.ru/meriya/press-tsentr/novosti/den-molodezhi-v-kazani-proydet-na-ploshchadke-ekstrim-parka-uram/">сылтама буенча</a> белергә мөмкин. </p> <p> Элегрәк билгеле булганча, Яшьләр көнендә концертның хедлайнеры Ольга Серябкина <a target="_blank" href="https://kzn.ru/meriya/press-tsentr/novosti/olga-seryabkina-stanet-khedlaynerom-dnya-molodezhi-v-kazani/">булачак</a>. Җырчыдан тыш бәйрәмдә локаль артистлар, диджейлар һәм үз заявкаларын open call га биргән башкаручылар чыгыш ясаячак.<br> </p>

2024-06-25T17:58:28+0300