Александр Мищихин Россия Эчке эшләр министрлыгының Казан буенча идарәсе башлыгы итеп билгеләнде

Элек бу вазифаны Алексей Соколов биләгән иде.

(Казан шәһәре KZN.RU, 8-нче апрель). Полиция полковнигы Александр Мищихин Россия Эчке эшләр министрлыгының Казан буенча идарәсе башлыгы итеп билгеләнде. Бүген Татарстан Республикасы буенча Эчке эшләр министры полиция генерал-лейтенанты Артем Хохорин аны бүлекчәнең шәхси составына тәкъдим итте, дип хәбәр итә Россия Эчке эшләр министрлыгының Казан буенча идарәсе матбугат хезмәте.

Чарада шулай ук Казан Башкарма комитеты җитәкчесе Денис Калинкин, шәһәр прокуроры Олег Дроздов, Татарстан Республикасы буенча Эчке эшләр министры урынбасары – полиция башлыгы Алексей Соколов һәм Казан полициясенең җитәкче составы катнашты.

Белешмә

Александр Мищихин Алабугада 1978 елның маенда туган. Алабуга махсус урта милиция мәктәбен, аннары Россия Эчке эшләр министрлыгының Казан юридик институтын тәмамлаган. Эчке эшләр органнарында 1995 елдан бирле эшли.

Дәүләт һәм ведомство бүләкләре белән бүләкләнгән: I, II, III дәрәҗә «Хезмәттәге тырышлык өчен», «Россия Эчке эшләр министрлыгына 200 ел», «Хезмәттәге батырлыгы өчен» медальләре, шулай ук күкрәк билгеләре белән бүләкләнә: «Бурычка тугрылык өчен», «ТР буенча Эчке эшләр министрлыгында тырышып хезмәт иткән өчен», «ТР буенча Эчке эшләр министрлыгының Мактаулы хезмәткәре».

Шулай ук укыгыз

Барлык яңалыклар