Александр Маршал «Сукно бистәсендә рухлар көне» фестиваленең хедлайнеры булачак

Александр Маршал «Сукно бистәсендә рухлар көне» фестиваленең хедлайнеры булачак

<p> </p> <div class="detail-picture"> <img src="https://kzn.ru/upload/iblock/d62/d6266684237afe6b7f83396c96b3a4a9.jpg"> <p class="detail-picture__caption"> Фото: Марат Мөгыйнов </p> </div> (Казан шәһәре KZN.RU, 12 нче май). Александр Маршал «Сукно бистәсендә рухлар көне» фестиваленең хедлайнеры булачак. Ул ТР башкаласында 4 нче һәм 5 нче июньдә узачак. Казан халкы һәм кунаклары өчен ярминкәләр, экскурсияләр, лекцияләр, мотошоулар һәм башка активлыклар оештырыла. <p> </p> <p> Чаралар Изге Рух иңү гыйбадәтханәсендә (Миңнуллин ур., 21), Изге Иоасаф йортында (Тихомирнов ур., 31) һәм «Әкият» курчак театры (Петербург ур., 57) каршындагы мәйданда узачак. </p> <p> Ике бәйрәм көне дә тантаналы гыйбадәтләрдән башланачак, әйлән-бәйлән һәм җырлар башкару белән дәвам итәчәк, аларны Троицада гына ишетеп була. Шуннан соң фестивальдә балалар өчен ярминкәләр һәм уен мәйданчыклары эшләячәк, һөнәрчеләрдән мастер-класслар, лекцияләр һәм экскурсияләр узачак. Шулай ук Рус классик мәктәбен тәкъдим итүче интерактив мәйданчык эшләячәк. </p> <p> Нәни кунаклар өчен халык уеннары, аттракционнар һәм мастер-класслар белән «Балалар патшалыгы» оештырыла. Шулай ук азот-шоу, клоуннар чыгышы, сабын куыклары һәм спорт уеннары планлаштырылган. </p> <p> Бистәнең иң борынгы агач йорты булган Изге Иоасаф йорты мәйданчыгында экскурсия, мультиинструменталист Сергей Клевенскийның мастер-классы, Казан турында фильмнар күрсәтү һәм туган якны өйрәнүчеләр белән очрашу узачак. </p> <p> Музыкаль өлеш традицион рәвештә программаның аерым блогы булачак. 4 нче июньдә сәхнәгә Казан коллективлары җыелачак, ә 5 нче июньдә Изге Рух иңүе гыйбадәтханәсендә борынгы җырлар белән Тверьдан «Аксион Естин» Византия хоры чыгыш ясаячак. Фестивальне гала-концерт тәмамлаячак, аның алдыннан Петербург урамында автомобильләрдә һәм мотоциклларда экстрим-шоу узачак. Шуннан соң сәхнәгә «Духов день» фольклор студиясе, Нерехт рожечный хоры, автор-җырчы Андрей Козловский, hodíla ízba этно-төркеме, шулай ук Александр Маршал чыгачак. </p> <p> Фестивальнең барлык төп чараларында катнашу бушлай. Тулырак мәгълүмат фестивальнең рәсми <a target="_blank" href="https://duhovden.ru/">сайтында</a> һәм социаль челтәрләрендә урнаштырылачак, дип хәбәр итә оештыручылар. </p> <p> Исегезгә төшерәбез, узган ел фестивальгә 6 меңнән артык кеше <a target="_blank" href="https://kzn.ru/meriya/press-tsentr/novosti/bolee-6-tysyach-chelovek-posetili-festival-dukhov-den-v-sukonnoy-slobode/">килгән иде</a>. Казанда Александр Иванов һәм «Рондо» төркеме чыгыш ясады. </p>

2023-05-12T16:45:00+0300