Александр Лукашенко: «Казанга чакыруны рәхәтләнеп кабул иттем»

Белоруссия лидеры мактаулы кунаклар китабында язма калдырды

Фото: ТР рәисе матбугат хезмәте

Белоруссия президенты Александр Лукашенко Казанга визиты кысаларында шәһәрнең Мактаулы кунаклары китабында язма калдырды.

«Бу көннәрдә «Киләчәк уеннары» спорт бәйрәменең күпсанлы катнашучыларын һәм кунакларын кабул итә торган Казанга чакыруны рәхәтләнеп кабул иттем», – дип язган ул.

Аның сүзләренчә, «Казан белән Минскиның күп планлы хезмәттәшлеге көннән-көн яңа эчтәлек ала».

ТР башкаласына Александр Лукашенко бүген «Киләчәк уеннары»н ачу тантанасында катнашу өчен килде.

Шулай ук укыгыз

Барлык яңалыклар