«Ак Барс» үз боз кырында бу елның соңгы уеннарының берсенә әзерләнә

21-нче декабрьдә Казан клубы «Себер» белән очраша.

(Казан шәһәре KZN.RU, 20-нче декабрь). «Ак Барс» «Себер» белән үз боз кырында очрашуга әзерләнә. Казан командасы өчен бу - агымдагы елда «Татнефть-Арена»да узачак соңгы матчларның берсе.

Континенталь хоккей лигасының көнчыгыш конференциясендә Татарстан башкаласы клубы беренче урынны били – «барслар» сезонның 37 матчында 25 җиңү яулады һәм 58 очко туплады. Новосибирск командасы шактый калыша – аларның арсеналында 18 җиңү һәм 43 очко.

Алда торган матч «Ак Барс»ның үз кырындагы уеннар сериясен тәмамлаячак. Моңа кадәр хоккейчылар үз боз кырларында Уфаның «Салават Юлаев» командасы белән очрашкан иде, уен хуҗаларның җиңүе - 2:1 исәбе белән тәмамланды.

«Ак Барс» - «Себер» матчы 21-нче декабрь 17.30 сәгатьтә «Татнефть-Арена»да узачак, дип хәбәр ителә Казан хоккей клубы сайтында.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар