В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
16.04.2021, 16:35
Ял көннәренә афиша: экстрим-сезон ачарга һәм почта дилижансларын талау очраклары турында белергә.
KZN.RU порталы алдагы уикендка чараларның традицион афишасын төзеде.
Фото: Денис Гордийко
(Казан шәһәре KZN.RU, 16-нчы апрель). Бу атнада Казанда берничә күргәзмә ачылды, шул исәптән күренекле даталарга – татар шагыйре Габдулла Тукайның 135 еллыгына һәм Казан шәһәр почтасының 155 еллыгына багышланган. Моннан тыш, якын көннәрдә Татарстан башкаласы эре спорт ярышларын – ирекле көрәш буенча Бөтенроссия турнирын һәм синхрон йөзү буенча FINA дөнья сериясе этабын кабул итәчәк. Чаралар турында тулырак безнең афишада укыгыз.
К.Тинчурин исемендәге паркта һәм Красная Горка бистәсендә өмәләр (0+)
17-нче апрель көнне 11.00 сәгатьтә
К.Тинчурин исемендәге паркта шимбә өмәсен район активистлары һәм эт яратучылар оештыра. Территорияне җыештыруга кушылырга теләүчеләргә үзләре белән перчаткалар, чүп капчыклары һәм дымлы салфеткалар алырга киңәш итәләр, ә инвентарьларны урында бирәчәкләр. Катнашучылар фонтан янында җыелачак. Җәмәгатьчелек мәйданын җыю 1-нче апрельдә башланган экологик икеайлык кысаларында уза.
Шул ук көнне «Җиңү волонтерлары» бөтенроссия иҗтимагый хәрәкәтенең Татарстан бүлеге Красная Горка поселогындагы зиратта өмә уздырачак, анда 3653-нче номерлы эвакогоспитальда һәлак булган сугышчылар күмелгән. Госпиталь 1941-1945 елларда Юдино бистәсендә урнашкан булган. Территорияне җыюга кушылыр өчен, түбәндәге сылтама буенча язылырга кирәк.
Адрес: Привокзальная урамы.
Ирекле көрәш буенча бөтенроссия турниры (0+)
17-нче апрель көнне 11.00 сәгатьтән «Ак Барс» көрәш сараенда
Ир-атлар арасында ирекле көрәш буенча «Татарстан-мастерс» Бөтенроссия турниры СССР халыкара класслы спорт мастеры Виктор Маркелов хөрмәтенә уздырыла. Турнирда Россиянең 15 төбәгеннән 150гә якын спортчы катнашачак.
Адрес: Фатих Әмирхан урамы, 1г. Тел.: +7(843)557-74-55.
«Рахлин сезоннары» Х Халыкара фестивале (6+)
17-нче апрель көнне 17.00 сәгатьтә С.Сәйдәшев исемендәге концерт залында
Бу кичне дирижер Оливер Ведер җитәкчелегендәге Татарстан Республикасы Дәүләт симфоник оркестры Л.Бетховен – 6-нчы Симфония һәм 8-нче Симфония әсәрләрен тәкъдим итәчәк. Алып баручы – Ярослав Тимофеев.
Бәясе турында мәгълүмат. Адрес: Ирек мәйданы, 3. Тел.: +7(843)292-17-17.
Габдулла Тукайга багышланган Рушан Шәмсетдинов күргәзмәсе (0+)
12-нче майга кадәр Каюм Насыйри музеенда
Күренекле рәссам-график Рушан Шәмсетдинов күргәзмәне шагыйрь юллары белән атады: «Мондадыр безнең бабайлар түрләре.../ Здесь деянья дедов наших, здесь священные места». Күргәзмә шагыйрьнең гаҗәеп дөньясының автор карашын тәкъдим итә. Рәссам, дулкынланып, шагыйрь һәм татар халкының образларын тудыра, аларны бергә бәйли. Аерым полотнолар иске Казан һәм Идел Болгарына багышланган.
Мәскәү полиграфия институтын тәмамлаган Рушан Шәмсетдинов Татарстанның танылган рәссам-графикларының берсе, 500дән артык китап рәсмиләштерелгән. Аның әсәрләре Россиядә һәм чит илләрдә зур музейларда һәм шәхси коллекцияләрдә бар. Күргәзмә татар шагыйренең 135 еллыгына һәм рәссамны Габдулла Тукай исемендәге дәүләт премиясенә тәкъдим итүгә багышланган.
Керү музей билетлары буенча. Адрес: Париж Коммунасы урамы, 35/2. Тел.: +7(843)292-76-94.
«Песочные истории. Ежик в тумане и все-все-все» концерты (6+)
18-нче апрель көнне 12.00 сәгатьтә С.Сәйдәшев исемендәге концертлар залында
Ком рәсеме – балаларга да, өлкәннәргә дә соклангыч сәнгатьнең яңа төре. 2020-2021 концерт сезонында «ком» абонементы нигезендә сүздә һәм музыкада гәүдәләндерелгән бетмәс-төкәнмәс әдәби сюжетлар ятачак. Җырлы анимация остасы Ләлә Явкина сәхнәдә үк музыкага төрле төстәге ком белән әкиятләр ясый. Музыка һәм нәфис сүз артыннан ияреп, кулларның җиңелчә хәрәкәтләре картинаны картина артыннан үзгәртә. Кечкенә тамашачылар Сергей Козловның әкият геройлары – керпе, аю, куян һәм башкалар белән «очраша». Әкиятне актер, телевидение алып баручысы Алексей Калиничев укыячак.
Бәясе турында мәгълүмат. Адрес: Ирек мәйданы, 3. Тел.: +7(843)292-17-17.
«Урам» экстрим-паркында җәйге сезонны ачу (12+)
18-нче апрель көнне 13.00 сәгатьтә
Казанда «Урам» экстрим-паркында җәйге сезон ачылачак. Бу көнне килүчеләрне күңел ачу программасы көтә. Шәһәр халкы тренинг-зонада диджейлар треклары астында трюклар күрә, стритбол уйный, әйберләр, кием-салым һәм китаплар белән алыша алачак һәм башкалар. Шулай ук бу көнне урам биюләренең җәйге сезонын ачу да булачак.
Александр Черный һәм Алексей Черныйның 7 «Я» күргәзмәсе (12+)
6-нчы майга кадәр «Дом Аrt» галереясендә
Александр Черный һәм аның улы Алексей Черныйның уртак күргәзмәсе безгә рәссамнар гаиләсенең ике буыны диалогын тәкъдим итә. Экспозиция шартлы рәвештә 7 картиналы блокларга бүленгән, алар үзара мәгънәви һәм төсле чишелешләр белән берләшкән төрле юнәлешләр һәм техникаларны тәкъдим итәләр.
Александр Черныйның 7 «Я»сы – бу-лирик пейзажлар, якты һәм ихлас, табигатьнең тетрәнү образлары белән шаккатыра һәм сокландыра белү, наз һәм җылылык урынын саклаучы гади авыл мотивлары да. Алексей Чернойның 7 «Я»сы – дөньяга үз карашың, картиналарның үз эчке энергетикасы, үз мәгънәсе, тоннар, контрастлар һәм текстурлар ярашуы белән абстракция.
Керү – 100 сум. Адрес: Некрасов урамы, 32. Тел.: +7 (843)505-07-77.
Синхрон йөзү буенча FINA дөнья сериясе этабы (0+)
16-нчы апрельдән 18-нче апрельгә кадәр Су спорт төрләре сараенда
Ярышларда Россия, Сербия, Испания, Япония, Казахстан, Словакия, Чехия, Болгария һәм Беларусьтан 70-тән артык спортчы катнашачак. Спорт программасы 3 көн дәвам итәчәк һәм дисциплиналарда соло, дуэт, катнаш дуэт, төркем (техник һәм ирекле программалар), катнаш һәм акробатик төркем ярышларын үз эченә алачак.
Бәясе турында мәгълүмат. Адрес: Сибгат Хәким урамы, 70. Тел.: (843)294-65-56.
«Шәм яктысында музыка» циклыннан «Шаляпинга җырлыйбыз!» концерты (6+)
18-нче апрель көнне 17.00 сәгатьтә С.Сәйдәшев исемендәге концертлар залында
«Шәм яктысында музыка» циклы -– Р Дәүләт кыллы квартеты башкаруында камера музыкасының традицион кичәләре. Зәвыклы атмосфера, музыкаль жанрларның һәм стильләрнең төрлелеге, шулай ук алып баручының танып-белү хикәяләре – болар барысы да абонементны төрле тыңлаучылар өчен кызыклы итә.
Бөек рус бассы Федор Шаляпин иҗатына багышланган концертта казанлылар танылган арияләр, романслар һәм җырлар, шулай ук инструменталь иншалар ишетәчәк. Талантлы Казан бассы Илмир Шәйдуллин башкаруында Шаляпин репертуарыннан әсәрләр яңгыраячак: «Вдоль по Питерской» җыры, «Сомнение» романсы, «Севильский цирюльник» операсыннан ария, «Эй, ухнем», «Дубинушка» рус халык җырлары.
Бәясе турында мәгълүмат. Адрес: Ирек мәйданы, 3. Тел.: +7(843)292-17-17.
Шәһәр почтасының 155 еллыгына багышланган «Казаннан сәлам» күргәзмәсе (0+)
3-нче октябрьгә кадәр Татар халкы һәм ТР дәүләтчелеге тарихы музеенда
Күргәзмә Казан шәһәр почтасының 155 еллыгына багышланган. Ул хезмәт тарихының иң якты битләре, почтальоннарның авыр эш көннәре һәм аларның гомумроссия вакыйгаларында катнашуы белән таныша. Экспонатлар арасында – XIX гасыр ахыры – ХХ гасыр башы почта хезмәткәрләренең чын фотографияләре һәм документлары, Бодо аппараты элементлары, телеграф ачкычы, 1930-нчы еллар почтальоннары униформасы, почта юллары картасы һәм схемалары.
Шулай ук почта аша җибәрүләрнең һәм акчалата корреспонденциянең куркынычсызлык системасын тасвирлаучы телеграммалар һәм циркулярлар, почта транспортларына һөҗүм ясау һәм талау очраклары тәкъдим ителгән. Килүчеләр төбәктәге почта хезмәте тарихын, посылкаларны кабул итү кагыйдәләре һәм XIX гасырда почтаны китерү нечкәлекләре турында белә алачак.
Керү музей билетлары буенча. Адрес: «Казан Кремле» музей-тыюлыгы. Тел.: +7(843)567-80-24.
Фото музейларның матбугат хезмәтләре тарафыннан тәкъдим ителде
Шулай ук укыгыз
-
24.07.2025, 12:00 -
24.07.2025, 11:22 -
23.07.2025, 17:46 -
23.07.2025, 17:27