Яңалыклар
21.05.2021, 16:13
Казан афишасы: ату коралы тарихын белү, спектакль премьерасын күрү һәм Идел ярын чистарту
KZN.RU порталы бу ялларда күрергә мөмкин булган чаралар сайланмасын әзерләде.
Фото: Казан шәһәре KZN.RU
(Казан шәһәре KZN.RU, 21-нчы май). Киләсе ялларда казанлылар һәм шәһәр кунаклары яңа күргәзмәләрдә катнаша, мастер-классларда иҗат белән шөгыльләнә, лекцияләрдә белем дәрәҗәсен киңәйтә һәм спорт турнирларында фаворитлар өчен җан ата ала. Берьюлы берничә чара Идел көненә багышланган – экофестивальләр һәм яр буе территорияләрен җыештыру буенча акцияләр әйләнә-тирә мохит проблемаларына игътибар итәр өчен.
«Мушкеттан автоматка кадәр: ату коралы тарихыннан» күргәзмәсе (0+)
3-нче октябрьгә кадәр Пушечный двор музеенда
П.В.Алабин исемендәге Самара өлкә тарих-туган якны өйрәнү музее фондларыннан күргәзмә коралның фитильдән автоматка кадәр үсеш юлын чагылдыра.
Килүчеләр Россия, АКШ, Япония, Төркия, Италия һәм Европаның башка илләреннән утлы корал белән танышачак. Экспонатлар арасында – XVIII-XIX гасырларның ау һәм сугыш кораллары, XIX гасыр азагындагы күп төрле винтовкалар, 1940-нчы еллардагы СССР һәм Германия армияләренең автомат кораллары. XIX гасырның танылган Бавар корал династиясе остасы Адам Кюхенрейтер җитештергән дуэль гарнитуры аеруча кызыксыну уята.
Күп кенә үрнәкләр Россия һәм чит ил фильмнары буенча таныш. Маузер С96 пистолетын «Игра теней» фильмында Шерлок Холмс куллана, ә Америка Смит-Вессон системасы револьверы һәр вестернда диярлек күренә.
Адресы: «Казан Кремле» музей-тыюлыгы, Пушечный двор музее. Эш графигы: дүшәмбе-пәнҗешәмбе, шимбә, якшәмбе – 10:00-18:00, җомга – 11:00-20:00. Керү музей билетлары буенча. Тел.: +7(843)567-81-60, +7(843)567-81-61.
«Россия суы» бөтенроссия акциясе экомарафоны (0+)
22-нче майда 10:30 сәгатьтә «Түбән Заречье» пляжында
Идел ярын җыештыру калдыкларны аерым җыю кагыйдәләре буенча узачак. Анда волонтерлар, «Чиста булачак» яшьләр хәрәкәте активистлары, студентлар, битараф булмаган кешеләр һәм ведомстволар хезмәткәрләре катнашачак. Елга төбен дайверлар чистартачак.
Шәһәр халкы фотозонада фотога төшә алачак, ә иң актив катнашучылар акция символикасы белән бүләкләр алачак. Чараның кунагы танылган блогер Алена Шишкова булачак.
Акциягә барлык теләүчеләр берегдобрыхдел.рф порталы аша кушыла ала.
Адресы: Декабристлар урамындагы Казансу елгасы яры («Кырлай» аттракционнар паркы һәм Кремль дамбасы янында).
Ял көне программасы «Манеж» күргәзмә залында
21-нче май көнне 18:00 сәгатьтә һәм 22-нче май көнне 16: 00 сәгатьтә «Вадим Сидурның сугыш һәм тынычлык « күргәзмәсе буенча арт-дискуссия (12+)
Бу экспозиция белән гадәти булмаган танышу, ул катнашучылар арасындагы диалогка һәм дискуссиягә нигезләнгән. Арт-дискуссия заманча сәнгатькә якынрак булуның бик яхшы ысулы. Төркем 8 кешегә кадәр җыела.
22-нче һәм 23-нче майда 12:00 сәгатьтә – «Пушистая акварель» мастер-классы (6+)
Пумала, буяулар һәм су кулланмыйча, катламлап төсле сарык йонын салу методы белән үз шедеврыңны булдырырга мөмкин. Йомшак, җыл картинагыз сезнең теләсә нинди фантазиягезне тормышка ашырачак. Әзер эш пыяла белән рамкага куелачак.
23-нче май көнне 16:00 сәгатьтә – «Вадим Сидурның сугыш һәм тынычлык « күргәзмәсе буенча күзәтү экскурсиясе (12+)
Экспозициядә скульптура, графика, керамика, линолеум буенча сырлау кебек төрле чорлардагы эшләре тәкъдим ителгән. Килүчеләр авторның иң танылган эшләрен күрәчәк: «Раненый» (1963 г.), «Узник» (1963 г.), «Связи. Нежность» (1963 ел). Экскурсия үткәрү өчен төркемдә кимендә 5 кеше булырга тиеш.
Адресы: «Казан Кремле» музей-тыюлыгы, «Манеж» күргәзмә залы. Билетлар бәясе турында мәгълүмат телефоннары буенча: +7(843)567-80-67, +7(843)567-80-68. Барлык программаларга алдан язылу кирәк.
«Тере Идел» экофестивале (0+)
22-23-нче май көннәрендә Бишбалта бистәсендә, Горки-Әмәт урманында һәм «Рус-Немец Швейцариясе» паркында
Катнашучыларны иҗади мастер-класслар, экологик темаларга фәнни-популяр лекцияләр, экскурсияләр, кино күрсәтүләр, спектакль, призлар уйнату белән өмәләр һәм башкалар көтә. Фестиваль илнең берничә шәһәрендә узачак, ул 20-нче майда билгеләп үтелә торган Идел көненә багышланган.
Катнашу ирекле. Сылтама буенча җентекләбрәк укыгыз.
«Театр магиясе» һәм «Татарстан истәлекле тәңкәләрдә» (0+) күргәзмәләре
2-нче июньгә кадәр М.Җәлил исемендәге яшел опера һәм балет театрында
Күргәзмәләр Рудольф Нуриев исемендәге Халыкара классик балет фестивале кысаларында Россия Идел-Нократ Банкының Татарстан Республикасы буенча илкүләм банкы бүлеге белән берлектә оештырылды.
Фестивальгә килүчеләр иң яхшы истәлекле тәңкәләр сурәтләре белән таныша ала. Беренче экспозиция балетка багышланган театр тәңкәләре белән таныштырачак. Икенче күргәзмә Татарстан тарихына, аның архитектура һәйкәлләренә һәм атаклы ватандашларга багышланган истәлекле тәңкәләр фотосурәтләрен үз эченә ала.
Адресы: Ирек мәйданы, 2. Керү ирекле. Эш графигы: көн саен 10:00 сәгатьтән 19:00 сәгатькә кадәр, тәнәфессез. Тел.: +7(843)231-57-10.
«Экологик мифлар» (0+) темасына лекция
22-нче май көнне 18:00 сәгатьтә «Тәмле бульвар»да
Экспертлар тыңлаучылар белән экологик яшәү рәвеше турындагы мифлар турында фикер алышачак. Спикерлар сыйфатында КФУның Фундаменталь медицина һәм биология институтының биоэкология, гигиена һәм иҗтимагый сәламәтлек кафедрасы мөдире, биология фәннәре докторы, профессор Илгизәр Рәхимов, табиб-дерматолог Наталья Скугорева, КФУның Фундаменталь медицина һәм биология институты фәнни хезмәткәре Фәридә Әхәтова чыгыш ясаячак.
Тыңлаучылар тиренең сәламәтлеген ничек сакларга һәм экологларның ни белән шөгыльләнүен беләчәк. Казанлыларга шулай ук күзгә күренми торган пластик турында, аның әйләнә-тирә мохит өчен куркыныч тудырамы икәне турында сөйләячәкләр. Лекциягә килгән һәркемнең спикерларга сораулар бирү мөмкинлеге булачак, ә иң кызыклы сораулар авторлары бүләкләр алачак.
Адресы: Җиңү проспекты, 141. Катнашу ирекле. Алдан теркәлү өчен сылтама буенча
«Изге Рамазан кубогы» грэпплинг көрәше буенча турнир
22-нче майда 9:00-21:00 сәгатьтә «Ак Барс» көрәш сараенда
Грэпплинг – спорт көрәше төре, ул үзендә Бразилия джиу-джитсу элементларын, ирекле көрәш, сугышчан самбо һәм дзюдо элементларын җыйган. Турнир бөтен Россия һәм чит ил буенча 300 спортчыны җәлеп итәчәк. Иң көчле катнашучылар финал ярышларында очрашачак, алар 19:00 сәгатьтә башлана. Чарада катнашучылар арасында кыйммәтле призлар уйнатылачак.
Адресы: Ф.Әмирхан ур., 1г. Керү ирекле. Тел.: +7(843)557-74-55.
«Васса» спектакленең премьерасы (16+)
22-нче һәм 23-нче майда 18:00 сәгатьтә В.Качалов исемендәге театрда
Спектакль Татарстанда Туган телләр һәм халыклар бердәмлеге елын бәйрәм итүгә багышланган беренче премьера булачак. Максим Горький пьесасы буенча «Васса» - гаилә тарихы, бер-берсен ишетергә һәм аңларга сәләтсез кешеләр, ялгызлык, бәхет сусавы һәм аны сатып алу мөмкинлеге булмау турындагы тарих, бу кеше турында эчкерсез һәм рәхимсез сөйләшү, аның турында ачы хакыйкать.
Адресы: Бауман ур., 48. Билет бәясе турында мәгълүмат сайтта һәм +7(843)292-34-83 телефоны буенча.
«Восточный барс – Көнчыгыш барсы» ушу буенча ТР Кубогы һәм республика турниры (6+)
22-нче май көнне 10.00 сәгатьтә Бокс һәм өстәл теннисы үзәгендә
Ярышларда 4-7 яшьлек, 8-11 яшьлек, 12-14 яшьлек малайлар һәм кызлар һәм хатын-кызлар көч сынашачак. Турнирда Татарстан Республикасы шәһәрләре һәм районнарыннан барлыгы 100-гә якын спортчы чыгыш ясаячак. Федерациянең танылган вәкилләре – Татарстан, Идел буе округы, Россия, Европа һәм ушу буенча дөнья чемпионнары чыгыш ясау планлаштырыла.
Адресы: Җәүдәт Фәйзи ур., 2а. Керү ирекле. Тел: +7(843)237-62-42.
«Мирас һәм заманчалык» күргәзмәсе (0+)
22-нче майдан 1-нче июньгә кадәр «Хәзинә» галереясендә
Күргәзмә татар галиме, сәнгать белгече, тарихчы, архитектор Фуат Вәлиевнең (1921-1984) 100 еллыгына багышланган. Галим мирасыннан экспозиция өчен декоратив-гамәли сәнгать әсәрләрен бизәүдә урын тапкан татар орнаментын график реконструкцияләүдән гыйбарәт булган автор рәсемнәре, зарисовкалары (акварель, гуаш, тушь) сайлап алынган. Алар арасында ир-ат түбәтәйләре һәм хатын-кыз калфакларының алтын бизәкләре, күн мозаикасы техникасында читекләр бизәкләре, татар чигүле сөлгеләренең читләрен орнаментацияләү һәм йонсыз келәмнәр үрнәкләре бар. Экспозиция шулай ук галимнең биографиясе һәм аның хезмәтләре белән таныштыра.
Адресы: «Казан Кремле» музей-тыюлыгы, «Хәзинә» музей комплексы, 3 подъезд. Эш графигы: сишәмбе, чәршәмбе, җомга, якшәмбе - 10:00-18:00, пәнҗешәмбе – 11:00-20:00. Керү галерея билетлары буенча. Тел.: +7(843)567-80-43.
Ретротехника фестивале (0+)
22-нче май көнне 11:00 сәгатьтән 22:00 сәгатькә кадәр Горький шоссесы буенча сәүдә базасы территориясендә
Фестивальдә 100 берәмлек авто- һәм мототехника тәкъдим ителәчәк. Фестивальның резидентлары бөтен Россиядән мотоклублар булачак. Техника бары тик тышкы яктан гына карау һәм фотога төшерү өчен мөмкин булачак, автомобиль салоннарына керү чикләнгән.
Адресы Горький шоссесы, 53. Керү ирекле.
Рамазан ае тәмамлануга багышланган ALGA TRAIL массакүләм йөгереше (6+)
22-нче май көнне 9:00 сәгатьтә Аккош урманы территориясендә
ТР мөселманнары Диния нәзарәте оештырган узышта теләге булган һәр 5 яшьтән һәм өлкәнрәк яшьтәге кешеләр катнаша ала. 16 яшьтән өлкәнрәк ир-атлар һәм хатын-кызлар өчен 5 км һәм 10 км дистанция каралган. 9 яшьтән 15 яшькә кадәрге яшүсмерләр өчен 2 км дистанция әзерләнәчәк (бу категорияләрдә катнашучылар өчен взнос – 200 сум). 5 яшьтән 8 яшькә кадәрге йөгерүчеләр өчен дистанция 500 м тәшкил итәчәк (катнашу бушлай).
Йөгерештә катнашу өчен сылтама буенча теркәлергә кирәк. Чара турында нигезләмә белән түбәндәге сылтама буенча танышырга була.
«Яшел фитнес» проектының яңа сезонын ачу (0+)
23-нче майда 16:00 сәгатьтә Горький исемендәге паркта
Ачылу программасында – тиктокерларның бию буенча көрәше, спорт юнәлешләрен тәкъдир итү, тере музыкага зарядка.
Быел «Яшел фитнес» проекты дәресләре Казанның 10 паркында һәм скверында, шулай ук ишегалларында узачак. Гомумән алганда, җәй буена республикада 600 спорт чарасы үткәрү планлаштырыла. Сылтама буенча җентекләбрәк укыгыз.
Адресы: Ершов ур., 1. Керү ирекле.
«Теловидение» бию перформансының XII Халыкара фестивале (6+)
21-нче майда 18:30 һәм 23-нче майда 18:00 сәгатьтә «Сәйдәш» мәдәният үзәгендә
21-нче май көнне Чиләбе Заманча бию театры һәм «Каннон данс 2» бию компаниясе (Санкт-Петербург) катнашында концерт-ачылыш була. 23-нче май көнне «Пантера»камера балеты катнашында Бөтенроссия хореографлар һәм заманча бию башкаручылар конкурсында җиңүчеләрнең гала-концерты һәм фестивальне ябу тантанасы узачак.
Адресы: Ершов ур., 57а. Билетлар бәясе турында мәгълүмат сайтта һәм +7(843)512-25-35 телефоны буенча.
Фотолар «Казан Кремле» Музей-тыюлыгы матбугат хезмәте тарафыннан тәкъдим ителде
Шулай ук укыгыз
-
30.04.2025, 15:45 -
30.04.2025, 14:03 -
30.04.2025, 09:14 -
29.04.2025, 17:56
