Яңалыклар
28.05.2021, 13:22
Ял көннәренә Казан афишасы: паркта барбекю, самурай хәрби киемнәре һәм XV гасырның уникаль Тверь инҗиле
KZN.RU порталы якындагы уикендка кызыклы вакыйгалар сайланмасын әзерләде.
Фото: Марат Мугинов
(Казан шәһәре KZN.RU, 28-нче май). Җәйге туристик сезон алдыннан Казан афишасы Татарстан башкаласында яшәүчеләр һәм кунаклар өчен кызыклы төрле форматлы чаралар белән тулыланды. Бу ялларда традицион чаралар – паркларда барбекю һәм чаң тавышы фестивальләре, ачык һавада йога һәм марафон, шулай ук яңа күргәзмәләр, опера премьерасы һәм театральләштерелгән тамаша узачак. Моннан тыш, шәһәрдә славян язуы һәм мәдәнияты көненә, Тукайның 135 еллыгына һәм ТРда Туган телләр һәм халыклар бердәмлеге елына багышланган чаралар дәвам итә.
«Тукай шигърияте аша Ватан образы» күргәзмәсе (0+)
27-нче июньгә кадәр Горький һәм Шаляпин музеенда
Күргәзмә Татарстан Рәссамнар берлегенең 85 еллыгына багышланган. Республиканың барлык төбәкләреннән 60-тан артык иҗат җимеше тәкъдим ителде: танылган осталардан башлап яшь рәссамнарга кадәр. Экспозициягә рәсем сәнгате, графика, скульптура әсәрләре һәм декоратив-гамәли сәнгать эшләре кергән.
Адрес: Горький урамы, 10. Телефон: +7(843)238-51-49. Эш режимы: сишәмбе, чәршәмбе, шимбә, якшәмбе – 10:00 сәгатьтән 17:00 сәгатькә кадәр; пәнҗешәмбе – 12:00 сәгатьтән 20:00 сәгатькә кадәр; җомга – 10:00 сәгатьтән 16:00 сәгатькә кадәр. Керү музей билетлары буенча.
«Читашки» клубы: «Шагни за порог» китабы (6+)
29-нчы май көнне 13:00 һәм 15:00 сәгатьтә ТР Милли китапханәсендә
Җәйге каникуллар алдыннан ТР Милли китапханәсе укучылар өчен 8-10 ел әдәби клуб очрашуы уздыра, анда укучылар тикшеренү энтузиазмы өчен бик күп сәбәпләр бирә торган «Шагни за порог» китабын укыячак. Әйләнә-тирә дөнья ничек корылганлыгы турында балаларга нәкъ менә шушы китап – табигать буенча юл күрсәткече сөйләячәк.
Адрес: Пушкин урамы, 86. Телефон: +7(843)222-82-85. Керү теркәлү буенча.
«Әни, мин Казанда!» (0+) театральләштерелгән тамашасы
29-нчы май көнне 14:00 сәгатьтә Казан Кремле территориясендә
Программа татар халкының тарихын мифлаштырылган күзаллау аша ача. Зирәк Хәким Идел буенда Казан калкып чыккан чорлар турында борынгы риваятьне бәян итәчәк һәм бу шәһәр белән Хан һәм Ханбикә идарә иткән, ә бу халыкны Ак барс яклаган. Тамаша ахырында милли татар бию элементлары белән бию флешмобы үткәрелә. Чара һәр шимбә саен уза.
Адрес: «Казан Кремле» музей-тыюлыгы, элеккеге Юнкер училищесы каршындагы мәйдан. Керү ирекле.
Гриль-фест (0+)
29-нчы һәм 30-нчы май көннәрендә 12:00 сәгатьтән 20:00 сәгатькә кадәр Горки-Әмәт урманында
Казанның 15 кафе һәм рестораны гастрономия фестивалендә барбекюда әзерләнгән ит, балык, сыр һәм яшелчәләрдән ризыклар тәкъдим итәчәк. Шулай ук ике көн дәвамында биредә Татарстанның иң яхшы пешекчеләреннән мастер-класслар узачак, чәй тантаналары өчен чатыр, балалар зонасы һәм фотозона эшләячәк. Программада – музыкаль төркемнәр һәм DJ-сетлар чыгышы.
Адрес: Җиңү проспекты, 69. Керү ирекле.
«Халыкта матурлык яши: рус декоратив-гамәли сәнгате» күргәзмәсе (0+)
30-нчы июньгә кадәр ТР Милли музеенда
Славян язуы һәм мәдәнияте көнендә ачылган күргәзмәдә XV гасырның Тверь инҗиле – дөньякүләм әһәмияткә ия экспонат тәкъдим ителгән. Бу– музей җыелмасыннан рус язуының иң иртә үрнәге.
Рус язу һәйкәлләреннән тыш, килүчеләр декоратив-гамәли сәнгать әсәрләрен дә күрәчәк: чигелгән костюмнар, баш киемнәре, сөлгеләр; челтәрләрнең төрле төрләре; көнкүреш металл һәм агач кирәк-яраклары; зәркән һәм чүкеп ясалган эшләнмәләр. Ясалма тартмачыклар һәм поднослар (Палех, Федоскино, гжель, хохлома), шулай ук Тула самоварлары тәкъдим ителәчәк. Милли музей фондларыннан булган фотосурәтләрдә Идел буеның рус авылларында яшәүчеләрне һәм XIX гасыр ахыры – XX гасыр башы рус халык кәсепләре эшләнмәләрен күрергә мөмкин.
Адрес: Кремль урамы, 2. Телефон: +7(843)590-00-50, +7(987)290-01-84. Эш режимы: сишәмбе, чәршәмбе, пәнҗешәмбе, шимбә – 10:00 сәгатьтән 20:00 сәгатькә кадәр; җомга – 10:00 сәгатьтән19:00 сәгатькә кадәр; якшәмбе – 10:00 сәгатьтән18:00 сәгатькә кадәр. Керү музей билетлары буенча.
Холи буяулар фестивале (6+)
29-нчы май көнне 17:00 сәгатьтә Кремль дамбасы янындагы мәйданчыкта
Холи буяулар фестивале – ел саен яз көне уздырыла торган индуистлар фестивале, ул инде бөтен дөнья буйлап уздырыла. Бәйрәмдә катнашучылар, позитив энергия белән баеп, яхшы кәеф алу өчен, һавага төрле төстәге буяулар – холи сибә. Буяуларны фестивальнең үзендә алырга мөмкин булачак.
Адрес: Кремль дамбасы астындагы мәйданчык
Саф һавада йога белән хәйрия дәресләре (6+)
29-нчы май көнне 9:00 сәгатьтән 10:00 сәгатькә кадәр Кабан күле яр буенда
«Изге эшләр көне» фонды партнеры, йога буенча инструктор Юлия Ходжаева фонд проектларына ярдәм йөзеннән ачык һавада хәйрия дәресләре үткәрәчәк. Үзең белән уңайлы плед яки келәм алырга кирәк. Төркемдә урыннар саны чикләнгән, язылу өчен +7(952)035-14-35 WhatsApp телефонына яисә Юлия Ходжаеваның Instagram битенә @juliaa.yoga язарга кирәк.
Адрес: Татарстан урамы, 1. Хәйрия кертеме – 300 сум.
«Укрощение строптивой» лирик-комик операсы премьерасы (6+)
29-нчы май көнне 18:00 сәгатьтә С.Сәйдәшев исемендәге Дәүләт Зур концертлар залында
Казан консерваториясенең опера студиясе Виссарион Шебалинның «Укрощение строптивой» лирик-комик операсын Уильям Шекспир комедиясе сюжетына тәкъдим итәчәк. Режиссер-куючы – Украинаның атказанган сәнгать эшлеклесе Ринат Бекташев. Куелышта опера студиясе солистлары һәм хоры, ТР атказанган сәнгать эшлеклесе Ринат Халитов җитәкчелегендәге Казан консерваториясенең симфоник оркестры катнаша.
Адресы: Ирек мәйданы, 3. Телефон: +7(843)510-04-00. Билетлар бәясе турында мәгълүмат.
Бөек Ватан сугышы башлануның 80 еллыгына хәтер акциясе (0+)
29-нчы май көнне 10:00 сәгатьтә елга портында
Казан елга портының 15-нче причалында Бөек Ватан сугышы башлануның 80 еллыгына багышланган акция узачак. Заманча һәм сугыш елларындагы инженерлык коралларының, водолаз җиһазларының үрнәкләрен күрсәтәчәк күргәзмә эшләячәк. Инженерлык гаскәрләренең офицерлары экскурсия вакытында понтон бүлекчәләрнең хәрби эше, инженерлык җиһазларының һәм корал үрнәкләренең билгеләнеше турында сөйләячәкләр.
Үзәк буйсынудагы, Көнбатыш, Көньяк һәм Үзәк хәрби округларның кушылмаларының понтон бүлекчәләре эчке су юллары буенча даими дислокация урыныннан Волгоградка кадәр 22-нче июньгә уникаль күчеш башкарачак. Күчүдә 1500-дән артык хәрби хезмәткәр, 100 берәмлектән артык хәрби һәм махсус техника, шул исәптән заманча понтон парклары составындагы елга һәм яр буе буыннары, шулай ук өр-яңа буксирлы-моторлы катерлар җәлеп ителәчәк. Айлык күчеш барышында һәр понтон бүлекчәсе тактик-махсус өйрәнүләр уздырачак, аларда тиешле максатлар буенча 30-дан артык махсус бурыч эшләнәчәк.
Бүлекчәләр 6 елга (Ока, Идел, Төньяк Донец, Дон, Агыйдел, Кама), 5 сусаклагыч (Куйбышев, Саратов, Волгоград, Түбән Кама, Цимлянское) аша йөзәчәк, шулай ук 20 шлюз аша узачак. Елга маршрутының гомуми озынлыгы 5000 км чамасы тәшкил итәчәк. Максималь күчешне Үзәк хәрби округның инженерлык кушылмасы понтонерлары тормышка ашырачак – 1900 км дан артык.
Елга экспедицияләре составына һәр понтон бүлекчәдә икешәр паром – демонстрацион һәм торак пункт кертеләчәк.
Адрес: Девятаев урамы, 1. Керү ирекле.
«Синематограф Люмьера» дискуссия клубы очрашуы (0+)
30-нчы май көнне 14:00 сәгатьтә Горький һәм Шаляпин музеенда
«Синематограф Люмьера» дискуссия клубы – музей хезмәткәре Александр Беловның авторлык проекты. «От рассвета и до заката – три экранизации «Матери» как три вехи развития советского киноискусства» дип исемләнгән чираттагы очрашу М.Горькийның «Ана» романына, аның барлыкка килү тарихына, өч экранизациясенә багышланачак, аларның һәрберсе совет кинематографының үсеш тарихы өчен этаплы булган.
Адрес: Горький урамы, 10. Телефон: +7(843)238-53-73. Керү музей билетлары буенча.
Кыңгырау чыңы фестивале (0+)
30-нчы май көнне 11:00 сәгатьтә Успение Зилант хатын-кызлар монастыренда
XVIII «Алексеевские перезвоны» кыңгырау чыңы фестивале бөек кенәз Александр Невскийның тууына 800 ел тулуга, Казан Изге Богородица образына һәм Казан Изге Ана иконасы соборын торгызуның рухи әһәмиятенә багышлана. Ул Алексеевск бистәсендә һәм Казанда 28-нче майдан 2-нче июньгә кадәр булачак. «Алексеевские перезвоны»да чаң кагучылар, рухи һәм халык музыкасын башкаручылар, шулай ук фольклор һәм бию коллективлары катнаша.
Успение чиркәвендә чаң тавышы концерты Татарстанда славян язуы һәм мәдәнияте көненә багышланган чаралар чираты белән тәмамланачак. Тулырак программа.
Адрес: Архангельский тыкрыгы, 1. Керү ирекле.
Viva, Bel Canto концерты! (6+)
30-нчы май көнне 17:00 сәгатьтә Горький һәм Шаляпин музеенда
Viva, Bel Canto! («Яшәсен матур җырлау!») концерты Мария Каллас, Ренат Тебальди, Монсеррат Кабалье, Федор Шаляпин, Энрико Карузо һәм башка опера сәхнәсенең бөек осталарына багышлана. Россиянең төрле почмакларыннан (Оренбург, Красноярск, Кырым) килгән яшь җырчылар бу җырчыларның репертуарыннан опера музыкасы әсәрләрен башкарачак. Программада – шат күңелле Моцарт, виртуоз Беллини, хисле Пуччини, драматик Верди һәм юмор Россини.
Концертта өч сопрано – Динара Хафизова, Наталья Давыденко һәм Мария Лебедева, шулай ук бас Илмир Шәйдуллин катнаша. Фортепиано партиясен Алисә Лабзина – Казан пианисты, дирижер һәм вокаль коуч башкара.
Адрес: Горький урамы, 10. Телефон: +7(843)238-53-73. Керү музей билетлары буенча.
«Кояш ватаны: Көнчыгыш коллекцияләренең раритетлары» күргәзмәсе (0+)
1-нче июльгә кадәр ТР Милли музеенда
Күргәзмә Япониянең күпкырлы мәдәниятенә багышланган. Самурай, катан һәм вакидзаси, кимоно, кул эшләре өчен тартмачык, Япон фарфоры үрнәкләре, төсле ксилографияләр һәм фоторәсемнәр – болар һәм башка бик күп нәрсәләр экспозициядә тәкъдим ителгән.
Япониядә хатын-кызлар дөньясы XIX гасыр хатын-кызлар кимоносы тәкъдим итә, ул соры ефәктән ясалган һәм декоратив чигүле яшел ефәк һәм алтын җеп белән бизәлгән. Декоратив-гамәли сәнгатьнең үзенчәлекләре сумкалар һәм җилпәзә, декоратив тастымаллар һәм металл пластиклар коллекциясе белән ачылган.
Күргәзмәдә япон фарфоры үрнәкләрен күрергә була, алар арасында Арита (Имари) остаханәләре аерылып тора – ул Япониядәге фарфор савыт-саба җитештерүче иң борынгы һәм иң танылган җитештерүче.
Адрес: Кремль урамы, 2. Телефон: +7(843)590-00-50, +7(987)290-01-84. Эш режимы: сишәмбе, чәршәмбе, пәнҗешәмбе, шимбә – 10:00 сәгатьтән 20:00 сәгатькә кадәр; җомга – 10:00 сәгатьтән 19:00 сәгатькә кадәр; якшәмбе – 10:00 сәгатьтән 18:00 сәгатькә кадәр. Керү музей билетлары буенча.
Кремлин kids балалар шәһәрчеген ачу һәм «Креа Дом» блоггингы балалар фестивале (0+)
30-нчы майда 16:00 сәгатьтә Кремль яр буенда (0+)
16:00 сәгатьтән 19:00 сәгатькә кадәр «Креа’Движ» уен зоналары эшләячәк. Үзәк сәхнә янында 3D-ручка белән рәсем ясау, җил тегермәне-вертушкалар ясау, «Остров сокровищ»тан интерактив дәресләр, «Сказки с Евой» уку клубыннан мастер-класс, «Баклажан» антикафесыннан өстәл уеннары оештырылачак.
16:00 сәгатьтән 17:30 сәгатькә кадәр «Креа’Звезды» кино күрсәтүе һәм алып баручыдан уеннар узачак. Үзәк сәхнәдә 16:15 сәгатьтән 17:15 сәгатькә кадәр «Креа’Умники» лекториясе була. Актерлар резиденциясенең эш кысаларында 16:15 сәгатьтән 16:30 сәгатькә кадәр ютубер һәм тиктокер Кәрим Хан «Мобиль контент җитештерү үзенчәлекләре» лекциясе белән чыгыш ясаячак. 16:35 сәгатьтән 16:50 сәгатькә кадәр «Заманча музыкаль трендлар, лейбллар, музыкаль мәйданчыклар һәм авторлык хокуклары» лекциясен башкаручы һәм сонграйтер Art Divon укый.
16:55 сәгатьтән 17:10 сәгатькә кадәр маркетолог Ольга Акимова «Топ блогерларның популярлык серләре» турында сөйләячәк. 17: 15 сәгатьтән 17: 30 сәгатькә кадәр блогер Тимур Исламов «YouTube та видеоны SEO-оптимальләштерү» лекциясе белән чыгыш ясаячак. 17:30 сәгатьтән 18:00 сәгатькә кадәр Кремль kids балалар шәһәрчеген ачу тантанасы узачак. 18:00 сәгатьтән 18:40 сәгатьткә кадәр шәһәрнең урам мәйданчыгында «Креа Дом» фестивалендә катнашучыларны һәм җиңүчеләрне бүләкләү булачак. Бәйрәм үзәк сәхнәдә дискотека белән тәмамланачак.
Адресы: Федосеев урамы, 1. Керү ирекле.
«ЗаБег.РФ» Бөтенроссия ярыммарафоны (3+)
30-нчы май көнне 9:00 сәгатьтә «Ак Барс Арена» стадионында
Казан спортчылары белән бергә стартка Россиянең 85 шәһәрендә 100 меңнән артык йөгерүче чыгачак. Йөгерүдә катнашучылар 1 км, 5 км, 10 км һәм 21,1 км дистанцияне узачак. Иң кечкенә йөгерешчеләр Timerkids йөгерешендә катнаша алачак. Ярышларда катнашу өчен медицина белешмәләре булу мәҗбүри шарт булачак.
Ярыммарафон нәтиҗәләре буенча илнең йөгереш башкаласы аталачак. Аны өч критерий буенча билгеләячәкләр: дистанциянең барлык катнашучылары да узган уртача күрсәткече; катнашучыларның шәһәрнең гомуми халкына мөнәсәбәте һәм катнашучыларның уртача йөгереш тизлеге нисбәте. Казан бу титулны ике тапкыр яулады инде – 2017 һәм 2018 елларда. Алар белән сайтта танышып була.
Адрес: Ямашев проспекты, 115а. Керү ирекле.
«Азат хатын» күргәзмәсен ачу (6+)
30-нчы май көнне 17:00 сәгатьтә Кабан күле яр буенда
Кунакларга төрле дәверләрдән «Сөембикә» журналы тышлыклары тәкъдим ителәчәк. «Азат хатын» татарчадан тәрҗемә иткәндә «азат ителгән хатын» дигәнне аңлата. 1913 елдан башлап бүгенге көнгә кадәр нәшер ителгән «Сөембикә» журналы да нәкъ шулай дип аталган.
Ачылу көнендә «Сөембикә» журналының баш мөхәррире Лариса Маликова күргәзмә буенча экскурсия үткәрәчәк. Кунаклар алдында ТР Дәүләт камера хоры чыгыш ясаячак. Шулай ук күргәзмәгә килүчеләр журнал тышлыгының берсе белән истәлекле открыткалар алачак.
Адрес: Татарстан урамы, 1. Керү ирекле.
Өлкәннәр һәм балалар өчен рәсем дәресләре – «Рисуй Казань» (6+)
30-нчы майда 12:00 һәм 14:00 сәгатьтә Кремль яр буенда
Россия Пенсия фондының ТР буенча бүлеге Казанда традицион коммерцияле булмаган «Рисуй Казан» проектын оештыра – ачык һавада өлкәннәр һәм балалар өчен якшәмбе рәсем дәресләре. Проектның түләүсез дәресләрендә теләге булган һәркем катнаша ала. Рәсем буенча укытучылар натюрморт, пейзаж, натурадан рәсемнәр, поп-арт кебек берничә киң таралган рәсем жанрын үзләштерергә ярдәм итәчәк.
Дәресләр 29-нчы августка кадәр һәр якшәмбе үткәреләчәк. Катнашу өчен бушлай электрон теркәлү узарга кирәк.
Адрес: Федосеев урамы, 1 (Сәнгать аллеясы). Керү ирекле.
«Манеж»да ял көннәре 28, 29 һәм 30-нчы май
28-нче май 18:00 сәгатьтә һәм 29 май 16:00 сәгатьтә – «Война и мир Вадима Сидура» күргәзмәсе буенча арт-дискуссия (12+)
Бу экспозиция белән гадәти булмаган танышу, ул катнашучылар арасындагы әңгәмәгә һәм дискуссиягә нигезләнгән. Арт-дискуссия заманча сәнгатькә якынрак булуның бик яхшы ысулы. Төркем 8 кешегә кадәр җыела!
29-нчы һәм 30-нчы майда 12:00 сәгатьтә – «Су тамчысында сәнгать» мастер-классы (6+)
Эбру – суда бизәкләр ясауны һәм алга таба аларны нинди дә булса өслеккә, мәсәлән, кәгазьгә яки тукымага күчерүне күздә тоткан уникаль рәсем техникасы.
29-нчы май 14:00 сәгатьтә һәм 30-нчы май 16:00 сәгатьтә –»«Скрытые смыслы на выставке «Война и Мир Вадима Сидура» (12+) тематик экскурсиясе
Вадим Сидур гениаль скульптор гына түгел, ә фәлсәфәче һәм шагыйрь дә. Аның барлык эшләре символизм белән сугарылган, шулай итеп, ул тамашачы белән аралаша һәм аны борчыган темаларны: сугыш, мәхәббәт, экология, тормышның мәгънәсен аңларга һәм бу дөньяга ни өчен килгәнен җиткерергә тырыша.
Адресы: «Казан Кремле» музей-тыюлыгы. Барлык программалар түләүле, алдан язылырга кирәк. Телефон: +7(843)567-80-67, +7(843)567-80-68.
Шулай ук укыгыз
-
03.05.2025, 09:19 -
02.05.2025, 09:17 -
01.05.2025, 13:18 -
01.05.2025, 12:45
