Казанда 6 сентябрьдә Адмиралтия бистәсенә 300 ел тулуны билгеләп үтәчәкләр

Бәйрәм Адмиралтейство бакчасында узачак.

(Казан шәһәре KZN.RU, 4-нче сентябрь). Казанның иң борынгы районнарының берсе - Адмиралтейство бистәсе - 6-нчы сентябрьдә үзенең 300 еллыгын билгеләп үтәчәк. Бәйрәм Адмиралтейство бакчасында узачак.

Кунакларны бай эчтәлекле концерт программасы, интерактив мәйданчыклар, аниматорлардан күңел ачу чаралары, шулай ук Казанның иҗат коллективлары чыгышы көтә, алар арасында «Ямьле» вокал төркеме һәм «Doratti» һәм «Федор Шукшин» кавер-төркеме дә булачак. Бәйрәм 17.30 сәгатьтә башлана, дип хәбәр итә Киров һәм Мәскәү районнары администрациясе матбугат хезмәте.

Адмиралтия бистәсе районында барлыкка килгән беренче танылган җирлек Казан ханлыгы халкы - урман кисүчеләр һәм балта осталары, елга суднолары ясау белән шөгыльләнүчеләр белән бәйле. Хәзерге Адмиралтейство бистәсенең көньяк-көнбатышында урнашкан авыл «Бишбалта» дип аталган. Шулай ук Адмиралтейство бистәсе үзенең сәнәгать кластеры һәм Казан атлы трамвае үсеше белән дә таныла.

Адмиралтейство бистәсенә 300 ел тулу кысаларында микрорайонда Урицкий, Клара Цеткин, Кызыл Армия, Кызыл Химик урамнары буйлап юлларны капиталь төзекләндерү буенча эшләр башкарылды. Шулай ук Столяров урамы буенча урнашкан 3-нче номерлы сырхауханәгә капиталь ремонт ясалды, хәзерге вакытта 26-нчы номерлы китапханәдә ремонт эшләре тәмамланып килә. Торак массивның инфраструктурасын яхшырту эшләре дәвам итә.

Шулай ук укыгыз

Барлык яңалыклар