А. Фаизов: «Узган елның төп нәтиҗәсе – пандемия вакытында волонтерлар эше»

Волонтерлар эшенең күпчелек өлешенә 2019 елда «репетиция ясарга» насыйп булды.

Фото: Казан шәһәре KZN.RU

(Казан шәһәре KZN.RU, 2-нче февраль, Алена Мирошниченко). Узган елның төп нәтиҗәсе – пандемия вакытында волонтерлар эше, дип белдерде Казан башкарма комитеты җитәкчесе Рөстәм Гафаровка Балалар һәм яшьләр эшләре комитеты рәисе Айрат Фәизов йомгаклау отчеты барышында. Комитет тарафыннан оештырылган волонтерлык хәрәкәтендә 2020 ел дәвамында барлык яшьтәге 1,5 меңнән артык ирекле кеше катнашты, 150-дән артык кеше даими рәвештә волонтер булып кала бирә.

Ирекле ярдәмчеләр заявкалар буенча 60 яшьтән өлкәнрәк ялгыз яшәүче пенсионерларга, шулай ук үзизоляцияләү яки авыр тормыш хәлендә калган кешеләргә азык-төлек һәм дарулар китергән.

Моннан тыш, яшьләр сәясәте учреждениеләренең тагын 30-га якын хезмәткәре көн саен диспетчерлар буларак кизү тора, даруханәдән дарулар алып, кирәк булганда волонтерларны алыштыра. Исегезгә төшерәбез, Россия Президенты Владимир Путин кушуы буенча, 10-нчы ноябрьдә ил хөкүмәте дару препаратлары сатып алуга федераль бюджеттан акча бүлеп биргән. Алар белән түләүсез нигездә өйдә медицина ярдәме алучы коронавирус инфекциясе белән авыручыларны тәэмин итәргә тиешләр. Татарстан Республикасына 146 млн сум акча бүленгән.

А.Фаизов билгеләп үткәнчә, волонтерлык эшенең күп өлешен 2019 елда цифрлы телетапшыруларга күчкәндә «репетиция ясап» булды. Ул вакытта шәһәрлеләргә ярдәм итү өчен 565 волонтер белем алды. Казанның 80 меңгә якын кешесе цифрлы эфир тапшыруларына күчү чорында белгечләр һәм волонтерлардан ярдәм алды. Контакт-үзәк телефоннарына 15 меңнән артык шалтырату килгән.

Хәзерге вакытта волонтерлар белән азык-төлек һәм дарулар китерү буенча бөтен эш болытлы-цифрлы рәвештә оештырылган. Моннан тыш, хәзер шәһәр халкы онлайн- режимда муниципаль лагерьларга юлламаларны броньлый һәм Мэрның стипендиясенә гариза бирә ала.

Шулай ук укыгыз

Барлык яңалыклар