9 ноябрьдә синоптиклар казанлыларга юеш кар һәм бозлавык фаразлыйлар

Төнлә һава температурасы минус 3 градуска кадәр төшәчәк.

(Казан шәһәре KZN.RU, 8-нче ноябрь). Иртәгә, 9 ноябрьдә, Казанда аязучан болытлы һава, төньяк-көнчыгыштан салмак җил фаразлана. Урыны белән юеш кар, юлларның кайбер өлешләрендә бозлавык көтелә. Төнлә һава температурасы минус 1-3 градуска кадәр төшәчәк., көндез – минус 1 градустан +1 градуска кадәр.

Татарстан буенча шулай ук аязучан болытлы һава, урыны белән юеш кар көтелә. Төньяк-көнчыгыштан салмак җил фаразлана. Төнлә һава температурасы 0 минус 5 градуска кадәр булачак, көндез – +2 - минус 3 градус. Юлларның кайбер өлешләрендә бозлавык булуы ихтимал, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Шулай ук укыгыз

Барлык яңалыклар