9 июньдә хатын-кызлар Татарстанның алдынгы онкологларында тикшерү уза алачак

9 июньдә хатын-кызлар Татарстанның алдынгы онкологларында тикшерү уза алачак

<p> (Казан шәһәре KZN.RU, 31-нче май). 9 июньдә хатын-кызлар Казанның һәм республиканың әйдәп баручы онкологларында түләүсез тикшеренү үтә алалар. Скрининг “Womаn To Womаn” хәйрия фонды тарафыннан бишенче тапкыр оештырылган “Казан күкрәк рагына каршы” акциясе кысаларында үтәчәк.<br> </p> <p> Проект “Игелекле Казан” проекты кысаларында шәһәр Мэриясе, ТР Сәламәтлек саклау министрлыгы, Республика клиник онкология диспансеры һәм дәүләт һәм шәхси медицина клиникалары һәм шәхси затлар ярдәме белән гамәлгә ашырыла. </p> <p> Сөт бизләре яман шеше хатын-кызларда онкологик авырулар арамында беренче урында тора. хәйрия фондының оештыру комитеты билгеләп үткәнчә, хатын-кызларның сөт бизләре рагы турында аз белүләре проблема тудыра. Шуңа күрә, чараның төп максаты – хатын-кызларга ел саен планлы тикшеренүләр кирәклеген сөйләргә. </p> <p> “Казан күкрәк рагына каршы” проекты авыруны беренче стадияләрдә билгеләү мөмкинлеген һәм заманча дәвалау ысуллары турында сөйли. Хатын-кызларга онколог-маммологлар бушлай консультация бирәчәк. Кирәк булган очракта, аларга маммография тикшеренүенә һәм сөт бизләрен ультра тавыш белән тикшерүгә бушлай талон биреләчәк. </p> <p> Тикшеренүне “Мега” сәүдә үзәгендә 9 июньдә 10.00 сәгатьтән 16.00 сәгатькә кадәр үтеп булачак. </p> <p> Дүрт ел эчендә 3 200 хатын-кыз тикшеренү узды. 2014 елда акция барышында Татарстан табиблары күкрәк бизе рагы белән авыруның бер очрагын ачыклаган, 11 хатын-кызда мастопатия тапканнар. 2015 елда акция барышында табиблар күкрәк рагының 11 очрагын ачыклаган. 2016 елда шулай ук күкрәк бизе рагының 11 очрагы, 13 фиброз һәм мастопатия ачыкланган. </p>

2018-05-31T11:10:29+0300