9 февральдә Казанда экологик фримаркет узачак

9 февральдә Казанда экологик фримаркет узачак

<p> (Казан шәһәре KZN.RU, 5-нче февраль). 9 февральдә Казанда "Экологично" хәйрия кибетендә фримаркет - бушлай ярминкә узачак. Шәһәрлеләр үзләренә кирәк булмаган әйберләрне калдыра, үзләре өчен берәр әйбер ала, шулай ук экологик яшәү рәвеше турында лекция тыңлый ала.<br> </p> <p> Фримаркетның төп идеясе - ул куллануны киметү, әйберләрдән акыл белән файдалану һәм ресурсларга сакчыл мөнәсәбәт. Экоактивистлар яхшы әйберләрнең гомерен, аларны икенче кешеләргә тапшырып, озайтырга тәкъдим итәләр. Казанлыларга яхшы әйберләрне ташларга түгел, фримаркетларга бирергә киңәш итәләр. </p> <p> Ярминкәгә әйберләр һәм аяк киеме, китаплар, балалар уенчыклары, спорт җиһазлары, савыт-саба, төзек техника, иҗат өчен товарлар һ.б. кабул ителә. </p> <p> Ярминкәгә килүчеләр өчен бонус булып "Әйберләрдән арыну безне экологик итә" лекциясе укылачак, ул 13.00 сәгатьтә башланачак. </p> <p> Фримаркет 9 февральдә 12.00 сәгатьтән 15.00 сәгатькә кадәр түбәндәге адрес буенча узачак: Бауман 29/11, дип хәбәр итә оештыручылар. Тулырак мәгълүматны "Экологично" проектының социаль челтәрләрендә белергә була. </p>

2019-02-05T14:14:45+0300