Татарстанда коронавирус белән зарарлануның 89 яңа очрагы теркәлгән

Бер тәүлек эчендә СОVID-19 белән авырган 95 кеше савыкты.

Фото: Марат Мугинов

(Казан шәһәре KZN.RU, 9-нчы декабрь). Татарстанда COVID-19 белән авыруның 89 яңа очрагы теркәлгән, шуларның 2-се читтән кайтучыларда, 87-се - контактлы. 15 кеше хастаханәгә озатылган, 74 кеше өйләрендә дәвалана.

Авыручылар арасында 18 яшьтән 30 яшькә кадәрге 10 кеше бар, 39 кеше - 30 яшьтән 50 яшькә кадәр, 15 кеше - 50 яшьтән 60 яшькә кадәр, 16 кеше - 60 яшьтән 70 яшькә кадәр, 7 кеше - 70-тән 80 яшькә кадәр, 2 кеше - 80 яшьтән 90 яшькә кадәр.

53 кеше - Казанда, 11 кеше - Яшел Үзән районында, 5 кеше - Саба районында, өчәр кеше - Яр Чаллыда һәм Буа районында, икешәр кеше - Түбән Кама, Нурлат, Спас, Тукай районнарында, берәр кеше - Арча, Биектау, Лаеш, Питрәч, Теләче, Чистай районнарында яши.

9-нчы декабрьгә Татарстанда СОVID-19 белән авыруның 11 мең 137 очрагы теркәлгән. Пандемиянең бөтен чорында 9737 кеше сәламәтләнде, шул исәптән 95 кеше - узган тәүлектә, дип хәбәр итә ТР Сәламәтлек саклау министрлыгының матбугат хезмәте.

Федераль оператив штаб мәгълүматы буенча, Россиядә соңгы тәүлектә коронавирус белән авыруның 26 мең 190 яңа очрагы теркәлгән. Илдә барлыгы 2 млн 541 мең 199 кеше авырып киткән, 2 млн 7 мең 792 кеше сәламәтләнгән, 44 мең 718 кеше үлгән.

Шулай ук укыгыз

Барлык яңалыклар