8 октябрьдә пенсия белән тәэмин итү мәсьәләләре буенча кайнар линия узачак

8 октябрьдә пенсия белән тәэмин итү мәсьәләләре буенча кайнар линия узачак

<p> (Казан шәһәре KZN.RU, 5-нче октябрь). 8-нче октябрьдә Россия Пенсия фондының ТР бүлеге өлкәннәр декадасы башлану уңаеннан пенсия белән тәэмин итү мәсьәләләре буенча кайнар линия эшен башлап җибәрә. </p> <p> Бу көнне пенсионерлар үзләрен кызыксындырган сорауларга белгечләрдән җавап таба алачак. </p> <p> Кайнар линиягә 8-800-100-26-27 телефоны буенча 10.00 сәгатьтән 16.00 сәгатькә кадәр шалтыратырга мөмкин, дип хәбәр итә Россия Пенсия фондының ТР буенча бүлеге матбугат хезмәте. </p> <p> Исегезгә төшерәбез, Россия Пенсия фондының ТР буенча бүлегендәге элемтә үзәге телефоны башка көннәрдә, ял һәм бәйрәм көннәреннән кала, 279-27-27 номеры буенча эшли: дүшәмбедән пәнҗешәмбегә кадәр – 9.00 сәгатьтән 18.00 сәгатькә кадәр, җомга көнне 9.00 сәгатьтән 16.45 сәгатькә кадәр (12.00 сәгатьтән 12.45 сәгатькә кадәр – төшке ашка бүленү). </p>

2018-10-05T11:19:03+0300