8 ноябрьдә Казанда һава температурасы тискәре күрсәткечләргә кадәр түбәнәячәк

Татарстанның кайбер районнарында юеш кар явачак.

(Казан шәһәре KZN.RU, 7-нче ноябрь). 8-нче ноябрьдә Казанда аязучан болытлы һава көтелә, явым-төшемсез. Төньяк-көнчыгыштан талгын җил. Һава температурасы төнлә һәм көндез +1 градустан минус 1 градуска кадәр тирбәләчәк.

Республиканың башка районнарында көндез урыны белән яңгыр һәм юеш кар явуы ихтимал. Төньяк-көнбатыштан төньяк-көнчыгышка таба күчүчән талгын җил, төнлә урыны белән көчәйгәндә тизлеге секундына 15-20 метрга кадәр җитәргә мөмкин. Шулай ук төнлә һәм көндез һава температурасы +3-тән минус 2 градуска кадәр түбәнәячәк, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Шулай ук укыгыз

Барлык яңалыклар