8 июньдә Казанның «Кырлай» паркында холи буялар фестивале узачак

8 июньдә Казанның «Кырлай» паркында холи буялар фестивале узачак

<p> <img width="870" src="https://www.kzn.ru/upload/iblock/8bd/the_festival_of_colors_2374421_960_720.jpg" height="653"><br> </p> <p> (Казан шәһәре KZN.RU, 7-нче июнь). 8-нче июньдә Казанның «Кырлай» паркында холи буяулар фестивале узачак. Анда барлык теләүчеләр катнаша ала. Бәйрәм программасында - төсле образларда аниматорлар, җанлы музыка, интерактив шоу һәм төрле төстәге буяулар. </p> <p> Паркка килүчеләр хип-хоп стилендәге бию номерларын, кавер-төркем чыгышын карый, шулай ук бьюти-зонага килә һәм чәчләрен берничә минут эчендә экстремаль төскә буята алачаклар. Төсле буяу пакетларын җиңүчеләр төрле конкурсларда катнашып ота алачак. </p> <p> Бәйрәм 14.00 сәгатьтә «Балалар шәһәре» вокаль ансамбле чыгышы белән башлана, ә 15.00 сәгатьтә фестиваль үзе старт ала. Ул 18.00 сәгатькә кадәр дәвам итәчәк, дип <a href="https://www.instagram.com/park_kyrlay/p/ByS3GckCJj2/" target="_blank">хәбәр итә</a> оештыручылар. </p> <p> Шуны да өстәп үтик: холи - Һиндстан бәйрәме, аны бөтен дөнья халкы билгеләп үтә. </p> <br>

2019-06-07T11:00:06+0300