8 июльдә икенчел чимал һәм кием кабул итү мобиль пункты чираттагы тапкыр Казан урамнарына чыгачак

Казанлылар макулатура, пластик, кирәкмәгән киемнәрен, эшләми торган вак техника тапшыра ала.

(Казан шәһәре KZN.RU, 7-нче июнь). 8 июльдә икенчел чимал һәм кием кабул итү мобиль пункты чираттагы тапкыр Казан урамнарына чыга. Мобиль пункт 10.15 сәгатьтән 18.00 сәгатькә кадәр шәһәрнең барлык районнарында да була. Шәһәрлеләр эшкәртергә яраклы чүп, кием, таушалган әйберләрне икенче тапкыр куллану мөмкинлеге булдыру өчен тапшырып, проектка булышлык итә ала.

Автомобиль түбәндәге адреслар буенча торачак:

10.15 сәгатьтән 11.00 сәгатькә кадәр – Киров районы (Петров паркы);

11.30 сәгатьтән 12.00 сәгатькә кадәр – Мәскәү районы (Урицкий паркы);

12.15 сәгатьтән 13.00 сәгатькә кадәр – Авиатөзелеш районы (“Крылья Советов” паркы);

13.30 сәгатьтән 14.00 сәгатькә кадәр – Яңа Савин районы (Җиңү паркы);

14.20 сәгатьтән 15.00 сәгатькә кадәр – Вахитов районы (Лядов бакчасы);

16.20 сәгатьтән 17.00 сәгатькә кадәр – Совет районы (Ипподром территориясе);

Горки-Әмәт урманында Спорт базасы янында.

17.30 сәгатьтән 18.00 сәгатькә кадәр – Идел буе районы (Дан скверы).

Эшкәртү өчен әйберләрне тапшыру өчен аларны аерырга кирәк. Гадәттәгечә, төбендә өчпочмак эчендә “1”, “2”, “4”, “5” маркировкалы шешәләр кабул ителәчәк. Полиэтилен пакетлар һәм “2”, “4”, “5”, “7” маркировкалы башка йомшак төргәкләрне дә тапшырып булачак. “5” маркировкалы контейнерлар һәм стаканнар кабул ителәчәк – алар барысы да юылган булырга тиеш, бәяләрен, этикеткаларын алырга кирәк. Сынау өчен фольгалы йомшак пластик аерым партия булып җыелачак.

Искәртергә кирәк, “мобиль пункт” – Казан шәһәрендә экологик яшәү рәвешен популярлаштыруга юнәлдерелгән социаль проект.

Шулай ук укыгыз

Барлык яңалыклар