8 декабрьдә Казан зооботаника бакчасы үзенең туган көнен билгеләп үтә

Бәйрәм уңаеннан балаларны күңел ачу программасы көтә.

(Казан шәһәре KZN.RU, 6-нчы декабрь). 8 декабрьдә Казан зооботаника бакчасы үзенең 212-нче туган көнен билгеләп үтә. Зооботаника бакчасының уку классында бәйрәм уңаеннан балаларны күңел ачу программасы көтә.

Чара программасында: викторина, оттырышсыз зоолотерея, аниматорлар, рәсем ясау буенча мастер-класс, ә җылы һава шартларында балалар понида йөри алачаклар. Бәйрәмнең кульминациясе булып туган көн торты булачак, дип хәбәр итә Казан зооботаника бакчасы матбугат хезмәте.

Бәйрәм 12.00 сәгатьтә башлана.