Татарстанда коронавирус инфекциясенең 70 яңа очрагы ачыкланган

Татарстанда коронавирус инфекциясенең 70 яңа очрагы ачыкланган

<p> <img width="870" src="https://www.kzn.ru/upload/iblock/786/DEN_5817.jpg" height="653"><br> </p> <p> (Казан шәһәре KZN.RU, 27-нче апрель). Татарстанда 70 яңа очрак теркәлгән. 18 пациент хастаханәгә озатылган, 52-се өйдә дәвалана - аларның авыруы җиңел формада яки симптомсыз уза. </p> <p> 11 яңа очрак читтән кергән, 59 кеше инфекциялеләр белән контактта булганнан соң авырый, дип хәбәр итә коронавирус белән көрәш буенча республика штабы. Яна йоктыручылар арасында - җиде балигъ булмаган, 11 кеше - 18 яшьтән 30 яшькә кадәр, 28 кеше - 30 яшьтән 50 яшькә кадәр, 16 кеше - 50 яшьтән 60 яшькә кадәр, 6 кеше - 60 яшьтән 70 яшькә кадәр, 2 кеше - 70 яшьтән 80 яшькә кадәр. </p> <p> Авыручыларның күбесе Казанда теркәлә - тәүлек эчендә республика башкаласында яшәүче 31 кеше йоктыра. 5 кеше Яр Чаллыда яши, 4-әр кеше - Лаеш һәм Теләче районнарында, 3-әр кеше - Балтач, Биектау, Яшел Үзән, Кукмара һәм Түбән Кама районнарында, 2-шәр кеше - Питрәч , Аксубай, Арча, Әтнә, Буа, Чүпрәле, Лениногорск, Тукай һәм Чистай районнарында. </p> <p> Соңгы тәүлектә Татарстанда 18 кеше сәламәтләнде, аларның 12-се - казанлылар, икесе - Лаеш районы кешеләре, берәрләп - Буа, Биектау, Яшел Үзән һәм Мамадыш районнарында яшәүчеләр. </p> <p> Татарстанда яңа коронавирус инфекциясе белән зарарланучыларның гомуми саны 632 кешегә җиткән, шуларның 75-е сәламәтләнгән, табиблар күзәтүе астында 557 кеше кала. </p> <p> Тәүлек эчендә республикада коронавируска 2174 тест уздырылды, тикшеренүләр башыннан бирле - 42 мең 966 тест. Хәзерге вакытта медицина күзәтүе астында 1994 кеше, 22 мең 269 кеше медицина күзәтүеннән алынган. </p> <p> Россиядә соңгы тәүлек эчендә авыруның 6198 яңа очрагы теркәлгән, авыручыларның гомуми саны 87 мең 147 кешегә җиткән. 7346 кеше сәламәтләнгән, 794 пациент үлгән, дип хәбәр итә федераль оператив штаб. </p>

2020-04-27T13:47:00+0300