7-нче гыйнвар көнне Казанда: «Татлы патшалык» тамашасы, керлинг буенча тренировка һәм Касә янында концерт

Татарстан башкаласында бәйрәм мәйданчыклары үз эшләрен дәвам итә.

(Казан шәһәре KZN.RU, 7-нче гыйнвар). Татарстан башкаласында бәйрәм мәйданчыклары үз эшләрен дәвам итә, биредә барлык теләүчеләр әкият һәм тылсым дөньясына эләгә ала. Бүген шәһәрлеләр һәм Казан кунаклары өчен «Татлы патшалык» тамашасы, керлинг буенча тренировка, «Казан» гаилә үзәге янында концерт һәм башка чаралар әзерләнгән.

12.00 сәгатьтә Урицкий исемендәге паркта һәм 16.00 сәгатьтә «Сосновая роща» паркында «Татлы патшалык» театраль тамашасы узачак.

Көн дәвамында «Кыш студиясе» күчмә сәхнәсе ике локациядә – 13.00 сәгатьтә «Салават күпере» торак комплексында, 16.00 сәгатьтә «Черек күл» паркында эшләячәк.

17.00 сәгатьтә барлык теләүчеләр «Черек күл» паркында узачак керлинг буенча ачык тренировкага кушыла ала.

Шул ук вакытта 17.00 сәгатьтә «Казан» гаилә үзәге янындагы мәйданда бәйрәм программасы старт ала, анда кунакларны студентлар коллективлары катнашында концерты көтә. Барлык теләүчеләр дә интерактив программада катнаша һәм артистлар белән бергә яраткан заманча хитларны җырлый алачак. Шулай ук бәйрәм чаралары Мир урамы паркларында һәм Казан ипподромында оештырылды.

Исегезгә төшерәбез, KZN.RU порталында «Казанда Яңа ел – 2019» бүлеге эшли. Биредә бәйрәмнәрдәге мәдәни афиша, «Паркларда кыш» программасы белән танышырга мөмкин. Шулай ук әлеге бүлектә Яңа ел бәйрәмнәрендә җәмәгать транспортының, медицина оешмаларының, хоккей тартмаларының, шугалакларның һәм чаңгы трассаларының эше турында мәгълүмат урнаштырылган.

Шулай ук укыгыз

Барлык яңалыклар