7 нче октябрьдә казанлыларга түләүсез юридик ярдәм күрсәтеләчәк

Кызыксындырган сорауларны дистанцион да бирергә мөмкин.

Фото: Марат Мөгыйнов

(Казан шәһәре KZN.RU, 5 нче октябрь). 7 нче октябрьдә Татарстан буенча Дәүләт теркәве, кадастр һәм картография федераль хезмәте идарәсе белгечләре республика халкына түләүсез юридик ярдәм күрсәтәчәк.

Бу көнне күчемсез милекне рәсмиләштерүгә кагылышлы сораулар бирергә мөмкин булачак. Консультацияләр Өлкәннәр көне кысаларында Павлюхин ур., 57, корп. 1 адресы буенча урнашкан Халыклар дуслыгы йортында 10:00 дән 12:00 гә кадәр узачак.

Шулай ук ТР халкы күчемсез милеккә хокукларны дәүләт теркәве мәсьәләләре буенча туры линиягә мөрәҗәгать итә ала, аны Россия Президентының кабул итү бүлмәсендә (Кремль ур., 12\20) оештырачаклар. Шалтыратулар +7(843)221-80-35 телефоны буенча 10:00 дән 12:00 гә кадәр кабул ителә.

Исегезгә төшерәбез, Өлкәннәр декадасы кысаларында ТР буенча Дәүләт теркәве, кадастр һәм картография федераль хезмәте идарәсе белгечләре күчемсез милек мәсьәләләре буенча пенсионерларга бушлай консультация бирәләр. Кайнар линия 6 нчы октябрьгә кадәр 10:00 сәгатьтән 12:00 сәгатькә кадәр +7(843)255-25-71 телефоны буенча эшләячәк, дип хәбәр итә ведомствоның матбугат хезмәте.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар