7 ноябрьдә Казанда «Туполев укулары» башлана

7 ноябрьдә Казанда «Туполев укулары» башлана

<p> <img width="870" src="https://www.kzn.ru/upload/iblock/1fa/kai4.jpg" height="652"><br> </p> <p> (Казан шәһәре KZN.RU, 5-нче ноябрь). 7-8-нче ноябрьдә А.Н.Туполев исемендәге Казан милли тикшеренү технология университеты мәйданчыгында «XXIV Туполев укулары (яшь галимнәр мәктәбе)» халыкара фәнни конференциясе узачак. Быел ул авиаконструктор Игорь Сикорскийның тууына 130 ел тулуга багышлана. </p> <p> Ике көн дәвамында конференциядә катнашучылар актуаль фәнни юнәлешләр буенча <a href="https://t4.kai.ru/" target="_blank">фикер алышачаклар</a>, алар арасында «Перспектив материаллар һәм структуралар барлыкка китерә торган технологияләр», «Океанны тикшерү өчен кораблар төзү һәм аппаратлар», «Мәгълүмат системалары һәм технологияләре» һәм башкалар бар. </p> <p> Конференция ачылган көнне университет музее катнашучыларга Казан милли тикшеренү технология университетының фәнни-техник потенциалы күргәзмәсен, шулай ук күренекле конструктор, академик Андрей Туполев тормышына һәм эшчәнлегенә багышланган күчмә күргәзмә тәкъдим итәчәк. Моннан тыш, теләүчеләр югары уку йортының Казан авиация институты музеендагы фәнни-техник казанышлары белән таныша һәм университетның инжиниринг үзәкләренә бара ала. </p> <p> 1986 елдан бирле үткәрелә торган «Туполев укулары» конференциясе укучылар һәм яшь галимнәрнең фәнни-тикшеренү эшен яклау һәм үстерүгә юнәлдерелгән. </p> <p> Конференция мәйданчыклары эше 10.00 сәгатькә планлаштырылган, дип хәбәр итә А.Н.Туполев исемендәге Казан милли тикшеренү технология университеты матбугат хезмәте. </p>

2019-11-05T10:10:17+0300