7 май: Казан Җиңү көнен бәйрәм итә

Татарстан башкаласында флешмоб, концертлар һәм эстафета узачак.

(Казан шәһәре KZN.RU, 7-нче май). Бүген Казанда Бөек Ватан сугышында Җиңүнең 74 еллыгын бәйрәм итү кысаларында концертлар, җиңел атлетика эстафетасы, «Җиңү» флешмобы һәм башка чаралар узачак.

12.30 сәгатьтә Киров исемендәге скверда «Җиңү мае» концерты узачак.

Дәрвишләр бистәсендә бу көнне Советлар Союзы геройларына багышланган җиңел атлетика эстафетасы узачак. Башлана - 13.00 сәгатьтә.

Шул ук вакытта бәйрәм программасының иң якты вакыйгаларыннан берсе – Кол Шәриф мәчете янындагы мәйданда «Җиңү!» флешмобы үтәчәк .

«Туполев» ачык акционерлык җәмгыяте филиалы - С.П.Горбунов исемендәге Казан авиация заводы стеласы янында митинг һәм ветераннарны хөрмәтләү 13.00 сәгатьтә узачак. Ветераннар йортында (Дубравная ур., 35) бу вакытта «Сугышсыз дөньяда ничек рәхәт!» дигән бәйрәм концерты башлана.

16.00 сәгатьтә «Красная Горка» мәдәният йорты каршындагы мәйданда «Без җиңдек» бәйрәме узачак. Ә 17.00 сәгатьтә «Крылья Советов» паркында ветераннар катнашында бәйрәм концерты була. Шул ук вакытта «Ракета» стадионында «Без сине, солдатларны хәтерлибез!» дигән район бәйрәме узачак.

Шулай ук укыгыз

Барлык яңалыклар