7 июньдә Казанда экскурсион ретро-трамвай рәсми рәвештә йөри башлый

7 июньдә Казанда экскурсион ретро-трамвай рәсми рәвештә йөри башлый

<p> (Казан шәһәре KZN.RU, 5-нче июнь). 7 июньдә Казанда экскурсион ретро-трамвай рәсми рәвештә йөри башлый, аның маршруты тимер юл вокзалыннан елга портына кадәр һәм кире үтә. Түбәтәй “кигән” һәм бабай рәсеме ясалган трамвай рейска 10.00 сәгатьтә чыга.<br> </p> <p> Искәртергә кирәк, 1 июньнән ретро-трамвай тест режимында йөрде һәм сынауны уңышлы гына үтте. </p> <p> 40 минут дәвам иткән юлда Казан тарихы, маршрут узган урамнарда урнашкан йортларда яшәгән танылган шәхесләр тормышы белән аудиогид ярдәмендә танышырга мөмкин. Экскурсия 7 телдә барачак (рус, татар, инглиз, кытай, испан, француз һәм алман). </p> <p> Тимер юл вокзалыннан кузгалган ретро-трамвай Колхоз базары аркылы, Париж Коммунасы, Г.Тукай урамнары буйлап, автовокзал аркылы елга портына кадәр барачак. 10-17 минутлык тукталыштан соң ул тимер юл вокзалына китәчәк. </p> <p> Ретро-трамвайда пәнҗешәмбедән якшәмбегә кадәр йөреп була. Тулырак мәгълүмат “Метроэлектротранс” сайтында урнаштырылган. Билгеләп үтәргә кирәк, футбол буенча дөнья чемпионаты узган көннәрдә җәдвәлгә үзгәрешләр кертелергә мөмкин. </p> <p> 1986 елда чыгарылган ретро-трамвай салоны 22 кешегә исәпләнгән. Экскурсия вакытында туристлар милли музыка тыңлый һәм татар милли ашларын авыз итә ала. </p>

2018-06-05T12:00:22+0300